JIRIMIA 40:15 - Tanou Moonsoi Timugon

¹⁵ I Joganan pana mindagu boo riso ra sininok, “Iowo' noyo aku mamatoi ri Ismail. Kolondo' osoi pana nakapandai raginio. Kua kia pinoloso io mamatoi rirun? Baal raginio mangkinibit ra ngaangai' ulun ru Jaudi ondo' timinimung nababaya' rirun nakapantuliar saguli', am karaat ra liminumpa' ra ngaangai' ulun ondo' lakat poyo soroi giu' ra Jiuda.”

JIRIMIA 40:15 ပူးပေါင်းရင်းမြစ်များ

2 SAMUIL 18:3

Kaa' taam ilo, “Pai' raja' mai. Amon ru magigiru' akai kalalaat, kapoam sampiruo intor ra suang mai matoi, kalo poyo masamaan pantula', sabap ra okou noyo ondo' uyumon nilo. Okou nogondo' logo no ra mopor ngaribu ngaulun intor ramon. Ginio ra moonsoi poyo mangator kou ra indangan ramon intor ra ralalom ru bandar.”

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

AYUP 31:31

Ngaangai' ulun ondo' mangandoi ra tayar kuno makapandai ra ulun ondo' kalo nauligan kuno, paakanon ku giu' ra baloi kuno.

JIRIMIA 40:8

Ginio ra i Ismail anak ri Nitania, i Joganan anak ri Karia, i Siraya anak ri Tanumit, anak-anak ri Ipai ulun ru Nitopa, am i Jijania anak ri Maakga minongoi nababaya' ra ulun nilo minuma' ri Gidalia giu' ra Mijpa.

JIRIMIA 42:2

Indagu ilo raki', “Pangindangan no ra iowo' kitaakon mai. Pakiasi' no ra Tuhan, i Aki Kapuuno' takau ra bala mai. Pakiasi' no ra bala mai ngaangai' ondo' naayag. Ragili masuang akai, kaa' raino ilai' noyo, kalo boo masuang akai.

JUANIS 11:50

Kalo kia matutunan min ra moonsoi poyo sangulun suali ayuk matoi intor ra ngaangai' ru bansa' mapuso?”

1 SAMUIL 24:4

Nakasaboi Raja' Saul giu' ra rondo' intok mamaar ra kukula' kandang ru domba ra kiing ru ralan. Siminubol Raja' Saul no ra ralalom ru luang batu ra giu' no ra mampangara'. Nakainamot toojo ri Daut am ulun-ulun nano tatanga' nansibuni ra luang batu raginio niayuk, giu' ra ujok poyo.

1 SAMUIL 26:8

Kon ri Abisai no ri Daut, “Pinataak noyo ri Aki Kapuuno' no pantula' muno rirun ra rondom raiti'. Iowo' aku ti mapatura' ra tutura' nano galama' ra inan nano saboi makaujak ra tana'. Aku ondo' mamatoi riso ra igondo' tura' ayuk, kalo pana saboi induo!”