JIRIMIA 4:8 - Tanou Moonsoi Timugon

⁸ Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

JIRIMIA 4:8 ပူးပေါင်းရင်းမြစ်များ

MAZMUR 78:49

Pinaabus No sangit ra napaangan, koson ayuk nangator ra malaikat mamamatoi.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 25:34

Pantangi' no, tingganai kau, akau ondo' nasauk ra magagalung ra ulun Kuno, pantangi' no ra mosongou! Panulaboi no am pagiluluir ra kaau, sabap ra nasaboi noyo paat no ra akau potoyon; simbaluyon kau koson ra domba gawayan.

JIRIMIA 48:20

Tumaam ilo, ‘Naratu' noyo Moab! Tinauyu' noyo Moab; tangii' noyo Moab. Potonowo' noyo giu' ra galur ru Sungoi Arnon ra napuso noyo Moab!’

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

SULABOI 1:12

Golok io ra moonong ulun ondo' mansail ra giu', “Ilai' aku no. Kalo kia igondo' osoi pana naimbolo' koson raki', kaimbalaan ondo' pinaratong ru Tuhan raki' sabap ra sangit Nano.

YEHEZKIEL 21:12

Okou ulun mapandai matoi, panulaboi no am pampiau, sabap ra ilang muno pakayon koson manggal ra ulun Kuno. Ngaangai' tingganai ru Israil potoyon mababaya' ra ngaangai' ulun Kuno. Luntugo' kubab sabap ra nangkaus guang.

YEHEZKIEL 30:2

“Okou ulun mapandai matoi, panala' no am potonowo' atan ondo' raguon Kuno, Tuhan Raja'. Golok no am panulaboi no koson ragitio: Orou ru Tuhan mamaar noyo!

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

UNTABAN 25:4

am indagu ri Musa, “Rokopo' ngaangai' tingganai ru ulun am potoyo' ilo paat ra matawang, sumugut ra susuban Kuno, maa' raginio kalo boo sumangit Aku ra ulun ragitio.”