JIRIMIA 4:31 - Tanou Moonsoi Timugon

³¹ Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 4:31 ပူးပေါင်းရင်းမြစ်များ

KASAUKAN 27:46

Indagu i Ribika ri Isak, “Nasuraan aku magilong ra karuo ngaulun andu' ri Isau ra bansa' ru bokon no. Amon ru manangandu' niayuk i Jakub ra ruandu' ru bansa' ru Git no, moonsoi poyo matoi aku ayuk.”

AYUP 10:1

Nasuraan aku no ra kaayagan kutu. Luaan ku mapait ra salibuor kutu.

MAZMUR 120:5

Aku ondo' nakaaya' ra kaayagan mino mokoowot ra kapaganan, nogondo' ra kaayagan giu' ra Misik, kapoam kaayagan ru ulun Kidar!

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JISAYA 13:8

Mangalaa' ilo am marualan koson ra ruandu' maganak, mototontong ilo ra guang malaa', am bulos nilono malia' sabap mauyu'.

JISAYA 21:3

Atan ondo' nakito kuno am norongog ralalom pinaintalang raki' makalalaa' am makaruol toojo; karualan raginio koson ra ruandu' maganak.

JISAYA 26:17

Iou Tuhan, Okou nangkinibit ramon giminolok marualan koson ra sangulun ruandu' maganak.

JISAYA 42:14

Mindagu i Aki Kapuuno', “Nabuoi Aku no nongkoror; mongkoror Aku am kalo minimbuor. Kaa' ragino nasaboi noyo bulintok koson mamatas; gumolok aku koson ra ruandu' maganak.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JIRIMIA 10:19

Pompogolok mamagun ru Jirusalim, “Malandom pilat maiti! Pilat maiti kalo mapali'. Ragili indoson mai ra kaimbalaan ti masaanan mai, kaa' sotopot no kalo.

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 14:18

Paat ra aku minongoi ra padang, nakakito aku ra baangkai pinatoi ra pangayawan. Paat ra aku minongoi ra bandar, nakakito aku ra ulun matikapatoi ra naitilan. Nabi am imam nampaugar ra kandoi ra kalo mangarati' ra atan ondo' baalon.”

JIRIMIA 15:18

Kua marayus aku ayuk maimbolo'? Kua ra pilat kutu malandom am kalo mapali'-pali'? Kuayan Muno mapasinduol kia raki' koson ra sungoi ondo' lumasak bulintok malasu'?”

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 22:23

Mayan kau ra kaansayan sabap ra liniputan ru lugu'-lugu' sidar ru Libanon, kaa' paat ra akau marualan, maimbolo' kau koson ra ruandu' ondo' maganak.”

JIRIMIA 30:6

Kinami' karaa' am imumuyi'! Makapaganak kia ungkuyon ra lalagang? Amon ru kalo, kua kakito Ku moonong ungkuyon mangabula' bulos am mampaguut ra tinai' nilo ra kalindu' koson ra ruandu' ondo' maganak?

JIRIMIA 45:2

ra koon raginio noyo ragu ru Tuhan, i Aki Kapuuno' ru Israil, “Okou Baruk,

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

JIRIMIA 49:22

Pantula' mamulunsar ra Bojra koson ra susuit kanui ondo' nanumbit ra kawo miningkal. Paat orou raginio saujor ru Idom mangalaa' koson ra ruandu' ondo' maganak.”

JIRIMIA 49:24

Mamagun ru Damsyik kalo maikang am nagiru' noyo ra nalaa'. Marualan am maimbolo' ilo koson ra ruandu' ondo' maganak.

JIRIMIA 50:43

Raja' ru Babilonia nokorongog ra tanou no, am liminawo. Magalabo guang nano, am maimbolo' koson ra ruandu' ondo' tatanga' maganak.

JIRIMIA 6:2

Moonsoi kaga' Bandar Sion, kaa' maumok bandar no ra tauli no;

SULABOI 1:17

“Pinatutui ku kalindu', kaa' kolondo' osoi pana mangindangan raki'. Nangator Tuhan ra pantula' intor ra ngaangai' intok koson tumula' raki'. Pamakuan nilo raki' koson ra ampangara'.

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

SULABOI 2:21

Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.

GOSIA 13:13

Israil mokoondo' ra kaluagan koson maayag, kaa' Israil sasambungon kaga' saboi kalo pinakai kaluagan raginio. Israil koson ra lalagang ondo' mamaar anakon kaa' marara' mingkual intor ra binunakan ru ina'.

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

MIKA 4:9

Kua najanjayan tangi' muno? Kua marualan kou koson ra ruandu' ondo' maganak? Sabap nati nua' okou kolondo' raja', am ulun-ulun mambilin muli minatoi noyo?

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

MATIUS 21:5

“Balai' mamagun ru bandar Sion, ilai' raja' mino matong ra raino ti rirun. Io no minggana' guang am siminakoi ra kaladai, am ra sanginan anak kaladai ondo' mamulok.”

1 KORINTUS 9:16

Kalo maaya' aku lumimbau amon ru mampabala' aku ra Tanou Moonsoi, sabap ra aku ti sinusub ri Aki Kapuuno'. Mapara' boo usung kuno amon ru kalo mampatanou aku ra Tanou Moonsoi no.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.