JIRIMIA 4:28 - Tanou Moonsoi Timugon

²⁸ Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

JIRIMIA 4:28 ပူးပေါင်းရင်းမြစ်များ

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

GOSIA 4:3

Ginio ra tana' nilo masauk mapua' am ngaangai' ondo' maayag ra rasawat no matoi. Ngaangai' bibiag am susuit, am papait pana matoi.”

JIRIMIA 12:4

Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JISAYA 50:3

Limbowon saukon Ku mapiot londom, Taubin Ku koson ra konoon panguliran.”

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

IBRANI 7:21

Kaa' i Jisus sinauk koson ra imam ra nagibot i Aki Kapuuno' Riso, kon Nano: “Aku noyo Tuhan bantu' Kuno Rirun, am kalo kulawon ragu Kuno, ‘Okou no imam ra mantilayun.’ ”

IPISUS 1:11

Intor poyo ra talimpuun i pinili' takano ri Aki Kapuuno' masauk ra ulun mangintopot riso ralalom pasimpungan takau ri Kristus. Ngaangai' no baalon sumugut ra inatang am inaru' ri Aki Kapuuno'.

IPISUS 1:9

Itakau noyo napaintalangan no ra ondo' kalo igondo' pinabala', ioginio inatang no kalalair i, koson ralalom ri Kristus ginio pinongo.

LUKAS 23:44

Olo'-olo' jam koopor am ruo ra tanga' ru orou, ngaangai' ru pagun no liminondom buoi talu nganjam sabap ra mato ru orou kalo boo siminirang. Tabir makapal ondo' pinatair giu' ralalom Baloi Tuhan i narilak kapiruo.

MARKUS 15:33

Paat ra tanga' ru orou, buoi talu nganjam ngaangai' pagun no molondom.

MATIUS 27:45

Paat ra tanga' ru orou, buoi talu nganjam pagun no liminondom.

JOIL 1:10

Umo-umo nasaliir; tana' mangulir sabap ra gandum napuso noyo, kawa' ru anggur napua' noyo boo, am puun jaitun liminonot.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

JIRIMIA 23:20

Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JIRIMIA 12:11

Sinauk nilo ginio ra tana' ondo' kolondo' tutuu'; nokoloso ra saang Kuno. Titikop pagun nasauk ra tana' kaagisan, am kolondo' osoi pana mampalio raginio.

JIRIMIA 7:16

Indagu Tuhan, “Jirimia, pai' no pakiasi' ra ulun ragitio. Pai' no pampiau makiindangan kapoam makiasi' koson risilo; pai' no pakimasi' Raki', sabap ra marara' Aku rumongog rirun.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

JISAYA 24:4

Tana' ti mapua' am lumonot; titikop ru tana' ti masauk malawo; limbowon am tana' ti maaru' maimbolo'.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

JAKARIA 8:14

Mindagu Tuhan Ondo' Maayo Kaga' Kuasa', “Paat ra kinamatuaan min napasingkual ra sangit Kuno, namatas Aku koson mangukum risilo ra maagat. Kalo kulawon Ku namatasan Kuno, kaa' sinugut.