JIRIMIA 4:27 - Tanou Moonsoi Timugon

²⁷ Minindagu Tuhan ra titikop ru tana' ti masauk ra tana' kaagisan, kaa' kalo pusoon No lingono'.)

JIRIMIA 4:27 ပူးပေါင်းရင်းမြစ်များ

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

NIGIMIA 9:31

Kaa', sabap ra Okou maayo kaga' guang makaasi', kalo nangiruan Kou kapoam namuso risilo. Okou i Aki Kapuuno' ondo' motogom am makaasi'!

JISAYA 17:6

Kalo kukula' ulun ondo' mabayag. Bulintok raginio Israil masauk koson ra puun ru jaitun ondo' kawa' nano nakai' kaupu', am soroi kukula' ngaunor ayuk tampilon ra untu kapoam raan ra magana'. Aku, Tuhan, i Aki Kapuuno' ru Israil, minindagu noyo.”

JISAYA 24:1

Tana' ti pusoon ru Tuhan saboi masauk lumata' am masiluk. Lapiaton No ralimbou ru tana' ti am pantutuliaron No namagun no.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 46:28

Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 5:18

Indagu Tuhan, “Kaa' paat raginio pana kalo mamuso Aku ra ulun Kuno ra malingon.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

YEHEZKIEL 11:13

Tatanga' aku mindagu ra ragu manala', pulali' ri Pilatia naratu' am patoi. Igulatur aku liliwa' nampiau, “Pai', Tuhan Raja'! Masaga' kou kia mampaluus ra ulun ondo' lakat poyo soroi giu' ra Israil?”

YEHEZKIEL 20:17

“Kaa' makaasi' Aku piboo risilo. Kalo pinatoi Ku ilo giu' ra tana' kaagisan no.

YEHEZKIEL 33:28

Saukon Ku pagun ti ra tana' kaagisan ondo' kolondo' tutuu' am masiluk, am kinaayo ondo' lilimbawan min pupusin. Gunung-gunung giu' ra Israil saukon ra masiluk saboi kolondo' sangulun pana mansail ra giu' no.

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.