JIRIMIA 4:26 - Tanou Moonsoi Timugon

²⁶ Tana' malabung nasauk noyo ra tana' kaagisan; bandar-bandar nangapuut, sabap ra siminangit kaga' Tuhan. (

JIRIMIA 4:26 ပူးပေါင်းရင်းမြစ်များ

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

MAZMUR 76:7

Bulintok ra Okou mangingilaa', iou Aki Kapuuno' ri Jakub, kuda am niayuk nangura' riso no maratu' am matoi.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 12:4

Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.