JIRIMIA 4:22 - Tanou Moonsoi Timugon

²² Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 4:22 ပူးပေါင်းရင်းမြစ်များ

KASAUKAN 39:16

Bulii' no sukub ri Jusup no saboi tingganai ru baloi no nakauli'.

2 SAMUIL 13:3

Kaa' i Amnon mokoondo' ra sangulun rangan ondo' mapintar, inggalan nano i Jonadab anak ri Simia; i Simia ti maayo ra ungkuyon ru Raja' Daut.

MAZMUR 36:3

sabap ra ilo malilimbau, mangkara' ilo tula nilo kalo mapandayan am kalo kasisangin.

MAZMUR 36:4

Ragu-ragu nilono napanu' ra kalaatan am abau, kalo boo mambaal ilo ra moonsoi am ralalom ru kapintaran.

MAZMUR 53:4

Kaa' ngaangai' ulun tumalansiang noyo am nakalayau, kolondo' sangulun pana mambaal ra moonsoi.

MAZMUR 82:5

Kolondo' napandayan min, mapara' piboo sasambungon mino! Sabap ra kolondo' guang min, katimpakan napuso noyo ra tana' ti.

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 13:23

Makakulau kia ulun maitom ra batik ru kungkung nano, kapoam ampunguon makairu' ra gumutitikan nano? Maaru' kalo! Koson niayuk ramuyun ondo' maindalom mambaal ra malaat, kalo lair mambaal ra moonsoi.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

JIRIMIA 4:21

Saboi sanggilan kia musiti' aku magilong ra kinoporos ru pangayawan, am rumongog ra bolos ru bujung ondo' makalanit ra talingo?

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

JIRIMIA 5:4

Aku pana nangkara', “Ilo no ulun ayuk ondo' kolondo' napandayan ra atan pana. Sasala' baalon nilo; kalo makapandai ra gogoton ri Aki Kapuuno' nilo, am kasagaan ru Tuhan risilo.

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

JIRIMIA 9:3

Masalok ilo tumampos lalair koson magabau; giu' ra titikop pagun ondo' motopot kalo manguasa', tumbalik no gumaai-gaai kalo mabanis guang. Indagu Tuhan, “Ulun Kuno kalo lulumonggo' mambaal ra kalaatan, kalo mangiou ilo Raki' koson i Aki Kapuuno' nilo.”

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

YEHEZKIEL 16:30

Indagu Tuhan Raja', “Ngaangai' binaal muno koson ra binaal ru sangulun ruandu' mantalan ra inan ondo' kalo mapandai mauyu'.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

ROMA 1:22

Indos nilo mapintar ilo, kaa' sotopot no sasambungon ilo.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 16:19

Napandayan noyo ru ngaangai' ulun ra nampagagayaan mino ra Tanou Moonsoi, am intor raginio maansukan aku ramuyun. Masaga' aku ra makatutun kau ra atan ayuk moonsoi am kalo noyo maindalom ra atan ayuk kalaatan.

ROMA 3:11

kolondo' ra sangulun pana makarati' ra atan ondo' motopot am sumamba ri Aki Kapuuno'.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

SAGULION 32:28

“Israil rondo' bansa' ondo' kolondo' napandayan; ilo kolondo' noyo toojo ra kapintaran.

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.