JIRIMIA 4:19 - Tanou Moonsoi Timugon

¹⁹ Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 4:19 ပူးပေါင်းရင်းမြစ်များ

KASAUKAN 49:6

Kalo maya' aku ra inatangan malaat nilo ondo' nasibuni no, am kalo maya' aku ra pansunuran nilono. Sabap ra mamatoi ilo ra ulun paat ra sumangit, am mapalawo ilo ra sapi' gawayan sabap ra pangkulian.

2 RAJA'-RAJA' 4:19

Pulali' ru anak no mindagu ra ama' nano, “Maruol ulu kutu! Maruol ulu kutu!” Indagu ama' nano ra sangulun intor ra ulipon nano, “Ibito' io ra ina' nano.”

2 RAJA'-RAJA' 8:11

Kopongo raginio pongoror i Ilisa ri Gajail saboi nagalabo i Gajail. Pulali' i Ilisa pantangi'.

MAZMUR 103:1

Mazmur ri Daut. Omporo' noyo Tuhan, alii ra salibuor kuno! Omporo' noyo inggalan Nano ra matulai, alii ra guang kuno!

MAZMUR 116:7

Kolondo' pagalabaan kuno, sabap ra moonsoi Tuhan raki'.

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 119:53

Sumangit aku toojo ra ulun malaat bulintok ra ilo manggal ra Ukum Muno.

MAZMUR 146:1

Omporo' noyo Tuhan! Omporo' noyo Tuhan, alii ra salibuor kuno!

MAZMUR 16:2

Mindagu aku ra Tuhan, “Okou noyo Tuhan kuno; kolondo' noyo mokogondo' ra kinoonsoi Muno.”

JISAYA 15:5

Makaasi' Aku ra Moab. Mamagun nano nagigiru' giu' ra Joar am Iglat-Silisia. Mokoondo' nagaloi ra ralan mongoi ra Lugit liliwa' mantangi'. Mokoondo' niayuk nagiru' giu' ra Oronaim liliwa' mompogolok am mangiluk sabap ra nalumpa' ru karaat.

JISAYA 16:11

Mangiluk guang kuno magilong ra babaal ru Moab am Kir-Giris.

JISAYA 21:3

Atan ondo' nakito kuno am norongog ralalom pinaintalang raki' makalalaa' am makaruol toojo; karualan raginio koson ra ruandu' maganak.

JISAYA 21:4

Guang kuno magalabo am monontol aku malaa'. Rondom ondo' kaandaman kuno magibit ayuk ra aku monontol.

JISAYA 22:4

Polosoo' aku sangulun koson maupus ra ngaangai' ulun kuno ondo' minatoi. Pai' aku kinami' ansuko'.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 20:9

Kaa' paat ra aku mindagu, “Polosoon aku makalilian ra Tuhan, marara' aku boo mindagu ralalom ru inggalan Nano,” tanou Muno pana koson ra apui ondo' mapaang ralalom ru guang. Kinamin ku oroto', kaa' kalo boo magula' ku.

JIRIMIA 23:9

Guang kuno natutuk am monontol aku. Tuhan am ragu Nano ondo' matulai mampasauk raki' koson ra ulun nagauk, ulun ondo' nanginum ra masuang kaga' wain.

JIRIMIA 4:21

Saboi sanggilan kia musiti' aku magilong ra kinoporos ru pangayawan, am rumongog ra bolos ru bujung ondo' makalanit ra talingo?

JIRIMIA 4:5

Samputi' noyo bujung giu' ra titikop pagun! Golok no ra mosongou am matalinaasan. Susubo' noyo mamagun ru Jiuda am Jirusalim magiru' ra bandar-bandar mokoondo' ra kubu.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JIRIMIA 50:22

Bolos ru pangayawan morongog giu' ra pagun no, am katutukan nasauk noyo.

JIRIMIA 6:24

Indagu mamagun ru Jirusalim, “Nokorongog akai noyo ra tanou no am malawo boo guang mai. Malaa' akai am marualan koson ra ruandu' ondo' maganak.

JIRIMIA 8:18

Guang kutu mangiluk am mapari', kangilukan kuno kalo maalap kapali'.

JIRIMIA 8:21

Natutuk guang kutu sabap ra natutuk bansa' kuno; mangulir aku, nasindualan kaga' guang kuno.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

DANIL 7:15

Pinaintalang no makalalaa' raki' am magalabo aku kaga'.

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

UNTABAN 10:9

Paat ra akau mangayou giu' ra tana' min koson mangampin ra inan intor ra pantula' ondo' namulunsar ramuyun, samputi' bujung-bujung raginio koson manaak ra pulanu ru pangayawan. Aku Tuhan, i Aki Kapuuno' min, mangindangan am mamayag ramuyun intor ra pantula'.

ROMA 10:1

Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon.

1 KORINTUS 14:8

Kapoam tarumpit, amon ru bonyowon ayuk samput no, osoi saujor tumampos mongoi ra pangayawan?

GALATIA 4:19

Anak-anak ra tagamin ku! Mapara' boo imamang kuno ramuyun sabap ra paliso ri Kristus kalo poyo norondon toojo ra guang min. Gitio koson ra ruol ru sangulun ruandu' matipaganak.

TINGGANAI RU BANSA' 5:21

Timug maaug ru Sungoi Kison nangabas ra pantula'. Marayus aku jumalai ra kaikangan!