JIRIMIA 4:18 - Tanou Moonsoi Timugon

¹⁸ Okou Jiuda, okou galama' namparatong ra karaat no rirun. Ralan ru kaayagan am binaal muno ondo' makatula nangkinibit ra ngaangai' ru kaimbalaan no, am nanusuk ra guang muno.

JIRIMIA 4:18 ပူးပေါင်းရင်းမြစ်များ

MAZMUR 107:17

Mokoondo' niayuk ulun budu am naimbolo' sabap ra tula nilo, am niayuk inimbolo' sabap ra laat nilo;

AMSAL 1:31

Intor raginio, malimanan min kinibit ru binaal am ginuang min ra mangalaat.

AMSAL 5:22

Tula ru ulun malaat koson ayuk ra landak ondo' mampajaling riso galama'.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 14:16

Ulun ondo' nangapu ra ragu inala' nilono pana potoyon ra ralan mogondo'. Baangkai nilono papatiron giu' ra ralan-ralan ra Jirusalim; kolondo' ulun mompolobong ra baangkai nilono. Koon raginio noyo pupus nilo ngaangai', makaaya' andu', anak ungkuyon am ruandu' nilo. Mangkinibit Aku risilo mansaan ra kinibit ru kalaatan nilono.”

JIRIMIA 2:17

Israil, okou galama' nangkinibit ra baal ragitio nasauk rirun. Nangiruan kou Raki', Tuhan i Aki Kapuuno' muno, paat ra Aku naningganai rirun ralalom pangkiralanan muno.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 26:19

Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

JIRIMIA 5:19

Paat ra ilo mangkuot ra sasaban Kuno nambaal raginio ngaangai', balai' ilo Jirimia, ra koson ra ilo nangiruan Raki' giu' ra pagun nilo galama' am nangandoi ayuk ra dewa-dewa ru bansa' bokon, koson raginio niayuk ilo mangandoi ayuk ra bansa' bokon giu' ra tana' ondo' sala' ka pagun nilo.”

JIRIMIA 5:25

Kaa' tula min nongompong ra ngaangai' baal moonsoi no saboi ra akau kalo makasia' raginio.

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

SULABOI 3:15

Mapait ayuk pinataak Nano raki' koson ra inumon am akanon.

YEHEZKIEL 39:24

Balasin Ku ilo mogondo' ra kinajamol am kinalaat nilo, am iruanin Ku ilo.”

GOSIA 7:2

Kalo igondo' ra pangkaran nilo ra mangkara' Aku ra ngaangai' binaal malaat no. Linibungan ilo ru tula saboi makito Ku toojo.”