JIRIMIA 4:14 - Tanou Moonsoi Timugon

¹⁴ Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

JIRIMIA 4:14 ပူးပေါင်းရင်းမြစ်များ

MAZMUR 119:113

Masisang aku ra ulun ondo' kalo gumagaya' Rirun ra sotopot no, kaa' tagamin ku Ukum Muno.

MAZMUR 51:2

paat ra io sinawai ru Nabi Natan sabap ra nansawa' io ri Batsyiba.

MAZMUR 66:18

Amon polosoon ku tula ralalom ru guang kutu, maaru' kalo iningon aku ru Tuhan.

AMSAL 1:22

“Alii ra ulun budu! Kula' poyo buoi ra akau masauk ra budu? Kula' poyo buoi ra akau magasab ra katutunan? Sanggilan akau migigila'?

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

JIRIMIA 17:1

Indagu Tuhan, “Bansa' ru Jiuda kau, tula min tinulisan noyo ra pen basi'; tula mino pinabatik ra guang min ra pen intor ra intan, am pinapaat ra moonong pisuk ru altar mino.

JIRIMIA 18:11

Raino balai' ulun ru Jiuda am mamagun ru Jirusalim ra tatanga' Aku mangatang koson manggal risilo, am mampatampos ra ukuman risilo. Susubo' ilo mompolonggo' ra baal ru bayag ondo' makatula, am niayuk mangulau ra paliso am binaal nilo.

JIRIMIA 2:22

Kabalu' pana mariu' kou ra mansabun ra masuang, kaa' lakat Aku poyo makakito ra itom ru kasalaan muno.

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

YEHEZKIEL 18:31

Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

JAKARIA 8:17

Pai' pangatang ra baal malaat ra akau po ngai'. Pai' indagu ra ibot kalo motopot. Masisang Aku ra magabau, kalo matimpok am kalaatan.”

MATIUS 12:33

“Amon ru masaga' makaalap ra kawa' moonsoi, akau musiti' mokoondo' ra puun moonsoi. Amon ru kalo moonsoi puun no, kawa' nano pana kalo niayuk moonsoi. Kinoonsoi ru rondo' puun tataun no mapandayan intor ra kawa' no.

LUKAS 11:39

Kaa' indagu Tuhan riso, “Akau ulun-ulun ru Parisi! Mampaliung kau ra ralimbou ru galas am piring mino, kaa' ralalom ru guang mino masuang puka' am kalaatan.

JUANIS 13:9

Kon ri Simon Pitrus, “Tuhan, amon ru koson poyo raginio, sala' ka kalayam kutu ayuk baguin Muno, kaa' kalindu' am ulu kutu pana.”

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

1 KORINTUS 3:20

Mokoondo' poyo tinulisan ra Buuk Kitab, “Nakapandai i Aki Kapuuno' ra pangkaraan ru ulun mangapintar kolondo' onong.”

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!