JIRIMIA 39:9 - Tanou Moonsoi Timugon

⁹ Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.

JIRIMIA 39:9 ပူးပေါင်းရင်းမြစ်များ

KASAUKAN 37:36

Liliwa' raginio, giu' ra pagun ru Misir, talano' i Jusup ru ulun ru Midian no ri Potipar, iono sangulun intor ra pagawai ru raja' ondo' naningganai ra magagalung ru istana raja'.

2 RAJA'-RAJA' 20:18

Kukula' ngaulun intor ra papag muno galama' ibiton am saukon ra sida-sida koson mangandoi giu' ra istana ru raja' ru Babilonia.”

2 RAJA'-RAJA' 25:11

Kopongo raginio nagibit Nibujaradan ra mamagun ondo' lakat poyo minayan ra bandar no ra Babilonia, iono ulun manukang ra mapandai kaga' ondo' lakat poyo natatang am ulun ondo' minaya' ra ulun ru Babilonia.

2 RAJA'-RAJA' 25:20

Nagibit i Nibujaradan risilo ra raja' ru Babilonia, ondo' bulintok ragili soroi giu' ra Ribla

JISAYA 5:13

Patirin kau koson ra ulun rinakop. Ngaangai' tingganai matoi maitilan am mamagun matoi pinaason.

JIRIMIA 10:18

Patirin kau ru Tuhan intor ra pagun ti; umokon No akau saboi sangulun pana kolondo' matatang. Gini noyo ragu ru Tuhan.

JIRIMIA 16:13

Ginio ra pagiruon Takamin intor ra pagun ti am patirin kau giu' ra rondo' pagun ondo' totopot kalo natutunan min am kinamatuaan min. Giu' no mangandoi kau ayuk ra tuhan-tuhan ra bokon ra orou am rondom, am kalo makaasi' Aku ramuyun.’ ”

JIRIMIA 24:8

“Kaa' pamakuan Kuno, Tuhan ra ulun ragitio koson ra kawa' ru ara ondo' napasa', ondo' kalo maakan: Raja' Jidikia intor ra Jiuda, am pagawai-pagawai nano, am niayuk mamagun ru Jirusalim ra bokon, ondo' namagun ra pagun ti kapoam ondo' minanding ra Misir.

JIRIMIA 38:19

Kaa' taam ru raja', “Malaa' aku ra mamagun kuno ondo' minaya' ra ulun ru Babilonia. Maaru' lair pataakon aku risilo am imboloon.”

JIRIMIA 40:1

Minindagu Tuhan raki' kalupus i Nibujaradan, panglima saujor no, nampalabus raki' giu' ra Rama. Inibit aku ra giu' no ra rinantai nababaya' ra ngaangai' ulun intor ra Jirusalim am Jiuda ondo' inibit koson ra ulun rinakop minongoi ra Babilonia.

JIRIMIA 40:7

Kukula' ngaulun pagawai am saujor ru Jiuda lakat poyo kalo nakirakop. Nokorongog ilo ra raja' ru Babilonia nampalantik ri Gidalia nasauk ra gabenor ru pagun no, am ngaangai' mamagun ondo' musikin kaga' giu' ra pagun no, ondo' kalo inibit ra Babilonia pinataak ragana' ru kuasa' nano.

JIRIMIA 52:26

Nagibit Nibujaradan risilo ra raja' Babilonia, ondo' paat raginio soroi ra Ribla,

JIRIMIA 52:27

giu' ra wilayah Gamat. Giu' no linamba' ilo am inukuman boo ra matoi. Koon raginio noyo mamagun ru Jiuda inaut intor ra pagun nilo, am pinatiran ra pagun ra bokon.

DANIL 2:14

Tuum boo i Danil ri Ariok, tingganai ru ulun magalung ra raja'. Io noyo sinusub koson mampaugar ra ukuman matoi no. Ra pagilalain no,

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.