JIRIMIA 39:8 - Tanou Moonsoi Timugon

⁸ Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 39:8 ပူးပေါင်းရင်းမြစ်များ

2 RAJA'-RAJA' 25:8

Paat ra orou katulu', sila' kalimo, bilor koopor am siam ra pamarintaan ru Raja' Nibukadnijar intor ra Babilonia, i Nibujaradan, iono panglima ru saujor am maminson ra raja', siminubol ra Jirusalim.

2 TUNUNG RU BANSA' ISRAIL 36:19

Linunsai ru raja' no timbok ra bandar ru Jirusalim am nonolob ra bandar no, nakaaya' Baloi ru Tuhan am ngaangai' istana, nababaya' ra kuliamos mongologo giu' ra ralalom ru istana.

NIGIMIA 1:3

Nantunung ilo ra ulun ragili ondo' pinatiran ondo' siminaguli' noyo ra pamagunan galama', raino naayag ra naimbolo' am inasaban ru bansa'-bansa' ra bokon ondo' minayan giu' ra paginggaar nilo. Inambai poyo ra timbok ru Jirusalim lakat poyo nangalunsai, am kulobon-kulobon garabang nano kalo poyo pinuna' intor ra nosolob ragili.

MAZMUR 79:7

sabap ra nampatoi ilo ra ulun Muno am namunsai ra pagun Muno.

JISAYA 5:9

Makaining aku ra Tuhan Ondo' Maayo Kaga' Kuasa' mindagu, “Ngaangai' baloi ondo' maayo am moonsoi ti kalo ayanin am kolondo' mangayan.

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 21:10

Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

JIRIMIA 32:29

am solobon. Solobon nilo saboi makai' mababaya' ra baloi-baloi ru ulun ondo' napasingkual ra sangit Kuno. Giu' ra taap ru baloi solobon nilo kaminyan ra Baal am pasasaron wain koson pataakon ra dewa-dewa.

JIRIMIA 34:2

Tuhan, i Aki Kapuuno' ru Israil, nanusub raki' mampasaboi ra ragu Nano ra Raja' Jidikia intor ra Jiuda, “Aku, Tuhan, mampataak ra bandar ragitio ra raja' ru Babilonia am io monolob no.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 37:10

Amon ru makasugut kau mangala ra ngaangai' saujor ru Babilonia, saboi ondo' soroi ayuk am ulun ondo' nangapilatan giu' ra ralalom ru kim-kim, kaa' tumirong ilo am monolob ra bandar ti saboi makai'.”

JIRIMIA 38:18

Kaa' amon ru kalo makirakop kou, bandar ti pataakon ra ulun ru Babilonia. Solobon nilo bandar ti, am kalo makapagiru' kou intor risilo.”

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

YEHEZKIEL 16:41

Solobon nilo baloi-baloi muno am mompoloso ra ruandu'-ruandu' makakito ra okou ukumin. Langgain Ku binaal muno ra mantalan ra inan no. Kalo boo mangani' Kou ra tangguang ra kubayau-kubayau muno.

YEHEZKIEL 23:47

Polosoo' santimungan ulun no momobol risilo am mamulunsar risilo ra ilang, mamatoi ra anak-anak nilo, am monolob ra baloi nilo.

YEHEZKIEL 33:21

Paat ra orou kalimo, sila' koopor, bilor koopor am ruo paat ra akai ralalom pamatiran, sangulun ondo' nagiru' intor ra Jirusalim minatong nambala' raki' ra bandar no naratu' noyo.

AMOS 2:5

Ginio ra atarin Ku apui giu' ra pagun ru Jiuda am solobon kubu-kubu ru Jirusalim.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.