JIRIMIA 39:5 - Tanou Moonsoi Timugon

⁵ Kaa' saujor ru Babilonia nangilou risilo am namparakop ra Raja' Jidikia giu' ra pipit mamaar ra Jiriko. Inibit nilo io minuma' ra Raja' Nibukadnijar ondo' paat raginio soroi giu' ra bandar Ribla giu' ra libung Gamat. Giu' no nangukuman ru Raja' Nibukadnijar riso.

JIRIMIA 39:5 ပူးပေါင်းရင်းမြစ်များ

2 SAMUIL 8:9

Raja' Tou intor ra pagun Gamat nokorongog ra nangala Raja' Daut ra ngaangai' saujor ru Raja' Gadadijir.

2 RAJA'-RAJA' 17:24

Nagibit raja' ru Asyur ra ulun intor ra bandar Babil, Kuta, Awa, Gamat am Siparwaim minongoi ra bandar-bandar giu' ra Samaria koson mamalit ra ulun ru Israil ondo' pinatiran ra pagun. Sinalingapu nilo ra bandar-bandar no am ayan ra giu' no.

2 RAJA'-RAJA' 23:33

Pamarintaan nano napupusan paat ra Raja' Niko intor ra Misir namparakop riso giu' ra Ribla, giu' ra pagun Gamat. Raja' Niko nampajajal ra mamagun ru Jiuda nambayar 3,400 ngakilogram pirok am 34 ngakilogram mas koson ra cukai.

2 RAJA'-RAJA' 25:6

Raja' Jidikia inibit ru Raja' Nibukadnijar, ondo' bulintok ragili soroi giu' ra Ribla. Giu' no nangukum Raja' Nibukadnijar ra Raja' Jidikia.

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

JISAYA 22:3

Ngaangai' tingganai mino nagiru' am narakop ra kalo poyo nakarampot ilo napalabus ra panah.

JIRIMIA 21:7

Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 24:8

“Kaa' pamakuan Kuno, Tuhan ra ulun ragitio koson ra kawa' ru ara ondo' napasa', ondo' kalo maakan: Raja' Jidikia intor ra Jiuda, am pagawai-pagawai nano, am niayuk mamagun ru Jirusalim ra bokon, ondo' namagun ra pagun ti kapoam ondo' minanding ra Misir.

JIRIMIA 38:18

Kaa' amon ru kalo makirakop kou, bandar ti pataakon ra ulun ru Babilonia. Solobon nilo bandar ti, am kalo makapagiru' kou intor risilo.”

JIRIMIA 38:23

Indagu aku poyo, “Ngaangai' andu' am niayuk anak muno raja' ibiton ra ulun ru Babilonia, am okou galama' pana kalo makapagiru' intor risilo. Rokopon kou ru raja' ru Babilonia, am bandar ti solobon saboi makai'.”

JIRIMIA 4:12

kaa' bagiu' mapuor ondo' matong ra susuban ru Tuhan. Tuhan galama' ondo' mangukum ra ulun Nano.

JIRIMIA 44:30

Pataakon Ku Raja' Gopra intor ra Misir ra pantula' nano ondo' masaga' mamatoi riso, koson ra Aku nampataak noyo ra Raja' Jidikia intor ra Jiuda ra Raja' Nibukadnijar intor ra Babilonia, pantula' ondo' masaga' mamatoi ra Raja' Jidikia.”

JIRIMIA 49:23

Koon raginio noyo ragu ru Tuhan intor ra bandar Damsyik, “Mamagun ru bandar Gamat am Arpad maimamang am magalabo sabap ra nokorongog ilo ra tanou malaat. Guang nilo maimamang am magalabo nakalumpa' risilo koson ra kinulun ru raat.

SULABOI 1:3

Mamagun ru Jiuda sinauk ra ulipon ondo' kalo maikang, jinajalan nangiruan ra kampung namagunan nilo. Minayan ilo ra gino ngai' ru bansa'-bansa', ra kolondo' intok ondo' mangani' ra kaansayan. Inawangan ilo ru pantula' paat ra ilo naimbolo'.

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

YEHEZKIEL 23:24

Bulunsaron nilo okou intor ra ralayo ra saujor ondo' maayo, am ra kurita' kuda am tarila magibit ra lutu'. Mampaguut ra perisai am mantupi' basi', magawang ilo rirun. Pataakon Tokou risilo am mangakim ilo rirun sumugut ra ukum nilo galama'.

ABAKUK 1:7

Mapasingkual ilo ra kalaanan giu' ra ngaangai' intok. Malilimbau ilo kaga' saboi mangkara' ra ngaangai' binaal nilo motopot am iowon ralalom ru undang-undang.

UNTABAN 13:21

Ginio ra ongoi ilo ra tampilon ralayo am liniput tana' no, intor ra tana' kaagisan Jin tampilon ra rabugus saboi ra bandar Rigob, maar ra Ginting Gamat tampilon ra ralayo.

JOSUA 13:5

tana' ru ulun ru Gibal; titikop intok ru Libanon giu' ra tampilon sirangon no, intor ra Baal-Gad giu' ra tampilon rabugus ru Gunung Girmon saboi ra Ginting Gamat;

JOSUA 4:13

Ngaangai' no mokoondo' olo'-olo' 40,000 ngaulun ungkuyon ondo' nakatampos mangayou. Giu' ra saang ru Tuhan, liminaup ilo mongoi ra tana' marata' magana' maar ra bandar Jiriko.

JOSUA 5:10

Paat ra ulun ru Israil nangkim giu' ra Gilgal giu' ra tana' marata' maar ra bandar Jiriko, nangiantak ilo ra Paska paat ra palunggai', paat orou koopor am apat sila' raginio.

TINGGANAI RU BANSA' 3:3

Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.