JIRIMIA 39:4 - Tanou Moonsoi Timugon

⁴ Paat ra Raja' Jidikia am ngaangai' ru saujor nano nakakito ra kasaukan no, nangkinam ilo nagiru' intor ra bandar no paat ra rondom. Miningkual ilo nansail ra taman ru istana am kulobon garabang nantuuman ru karuruo timbok giu' ra intok raginio, am pagiru' mongoi ra tampilon ru Limayak Jordan.

JIRIMIA 39:4 ပူးပေါင်းရင်းမြစ်များ

2 TUNUNG RU BANSA' ISRAIL 32:5

Raja' Gijkia namiot ra kaikangan ru bandar ra namuna' ra timbok am niayuk nambaal ra manara-manara ra rasawat no, am niayuk rondo' lapis ru timbok poyo giu' ra tampilon ra liwar. Suai raginio, pinuna' ru Raja' Gijkia kubu ondo' binaal giu' ra rasawat ru tana' pinumpun, giu' ra tampilon sirangon ra Jirusalim lair. Nanusub io niayuk ra ulun mambaal ra masuang tutura' am perisai.

JISAYA 22:11

nambaal kau ra kulam panimungan ra timug giu' ra bandar koson papatulukan ra timug intor ra kulam nakalair. Kaa' kalo ginuang min i Aki Kapuuno' ondo' intor noyo ra galing nangatang noyo ra ngaangai' no am nangkinibit ra ngaangai' no nasauk.

JISAYA 22:3

Ngaangai' tingganai mino nagiru' am narakop ra kalo poyo nakarampot ilo napalabus ra panah.

JISAYA 29:2

am porotongon ri Aki Kapuuno' karaat ra bandar ondo' sabiton ra Altar ri Aki Kapuuno'. Bolos pantangian am manulaboi maining, am titikop ru bandar no masauk koson ra altar ondo' natuba' ru raraa'.

JIRIMIA 32:4

am Raja' Jidikia kalo makapagiru'. Pataakon io ra raja' ru Babilonia; muma' io ra raja' no am mindagu riso.

JIRIMIA 32:5

Kopongo raginio ibito' i Jidikia ra Babilonia am mayan ra giu' no saboi ra ukumin Ku io. Kabalu' pana mamulunsar io ra ulun ru Babilonia, kalo makasugut io. Aku, Tuhan nakaindagu noyo.”

YEHEZKIEL 12:12

Raja' nilo mansaan ra kuntil nano paat ra rondom am magiru' maya' ra luang ondo' binaal nilo giu' ra timbok. Siliin ru raja' bulos nano saboi kalo makito ati angayan nano.

YEHEZKIEL 12:4

Paat ra lakat poyo matawang, kumoso' kuliamos ralalom rondo' kuntil koson ibiton mongoi ra intok pamatiran, am polosoo' ilo makakito rirun mambaal raginio. Polosoo' ilo makakito rirun mangiruan ra bandar paat ra mamai', koson okou tatanga' sumuku' ra intok pamatiran.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

IMAMAT 26:36

“Mangkinibit Aku ramuyun ondo' pinatiran giu' pagun ru bokon malaa' kaga', saboi bolos ru raun ondo' siniob ru angin pana mangkinibit ramuyun magiru'. Magiru' kau saboi ilain ayuk ilowon ru pantula' ralalom pangayawan, am maratu' kau kabalu' pana kolondo' pantula' mamaar ramuyun.

AMOS 2:14

Ulun masimbul ondo' maribok pana kalo makapagiru'; ulun maikang mairuan ra ikang, am ulun tutumula' kalo makabayag ra inan galama'.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.