JIRIMIA 38:4 - Tanou Moonsoi Timugon

⁴ Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

JIRIMIA 38:4 ပူးပေါင်းရင်းမြစ်များ

JIRIMIA 26:11

Imam-imam am nabi-nabi minindagu ra tingganai-tingganai am ra mamagun, “Ulun ragitio sotopot no ukumin ra matoi sabap ra minindagu io ra ondo' manggal ra bandar takau. Akau galama' nokorongog noyo.”

RINALATAN 16:20

Paumaa' nilo i Paulus am i Silas ti ra tingganai ru parinta Roma am pambala', konilo, “Ilo ti ulun ru Jaudi am mongoi ilo pampajajou ra bandar ti.

AMOS 7:10

I Amajia, imam giu' ra Bitil, nangator ra pabalaan ti ra Raja' Jirobiam intor ra Israil, “I Amos tatanga' maguguum ra mamagun koson manggal rirun raja'. Ragu-ragu nano ondo' nanusuk ra mamagun mangkinibit ra pagun ti matutuk.

JIRIMIA 29:7

Pangandoi no koson ra kalangkayaan ru bandar intok namatiran Kuno ramuyun. Pakiasi' kano Raki' koson ra kaatangan ru bandar raginio, sabap amon ru bandar no langkaya', akau pana langkaya'.

NIGIMIA 6:9

Nangkinam ilo nampakalalaa' ramon maa' raginio lumonggo' akai mangandoi. Pakiasi' aku boo, “Iou Aki Kapuuno', kaikango' aku raino!”

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

KAINGKUALAN 5:4

Indagu raja' no ri Musa am i Arun, “Kua kinibiti' min ngaangai' ulun no mampalilian ra kandoi nilo? Susubo' ulipon raginilo mangandoi!

RINALATAN 28:22

Kaa' akai pana masaga' mangkirongog ra pangkaraan muno. Sabap ra akai ngaangai' nakaining noyo ra pangilaan ondo' binayaan muno anggalon ra ati ayuk intok.”

RINALATAN 24:5

Napandayan mai ulun ti masalok mampakasalula' ra kalaatan; mampajajou io ayuk ra ulun ru Jaudi ra ati ayuk intok am io poyo maningganai ra paati ru ulun ru Nasarit.

RINALATAN 17:6

Kaa' kalio natuum nilo i Paulus am Silas. Ginio ra ralaato' nilo boo i Jason ti am kukula' poyo ngaulun Kristian koson paumaan ra tingganai ru bandar i. Nompogolok ilo, “Nakimagabu' ngaangai' ulun ti ra ati ayuk angayan nilo! Raino minongoi ilo poyo ra bandar takau ti

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

IJRA 4:12

Musiti' kou raja' makapandai ra ulun ru Jaudi ondo' minatong ragiti intor ra intok bokon no raino minayan giu' ra Jirusalim am tatanga' mambaal saguli' ra bandar ondo' gugumuor am malaat no. Timinalimpuun ilo noyo nambaal saguli' ra timbok no kalo boo mabuoi pambaalan no mopongo.

2 TUNUNG RU BANSA' ISRAIL 24:21

Minaya' Raja' Joas naguguum ra mamagun koson manggal ri Jakaria, am ra ragu ru raja', mamagun nomobol ri Jakaria giu' ra liliut Baloi ru Tuhan.

JIRIMIA 11:21

Mamagun ru Anatot mompogogot ra aku matoi. Konilo, “Amon ru rayuson mu mampatanou ra tanou ru Tuhan, potoyon mai okou.”

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

JIRIMIA 38:16

Ginio ra kalinuos ayuk ru Raja' Jidikia nambantu' raki', “Magibot aku ralalom inggalan ru Tuhan ondo' maayag, ondo' nangani' ritakau ra painawo, ra kalo ukumin tokou ra matoi kapoam pataakon kou ra ulun ondo' masaga' mamatoi rirun.”

JIRIMIA 38:25

Amon ru nokorongog pagawai-pagawai ra minindagu aku rirun, kuatin nilo intor ra nansunuran tani. Mambantu' ilo ra kalo mamatoi ilo rirun amon ru tunungon mu ngaangai' no.

JIRIMIA 43:3

I Baruk anak ri Niria nanusuk ramuyun koson manggal ramon, maa' raginio ulun ru Babilonia makapanguasa' ramon am mamatoi kapoam magaut ramon mongoi ra Babilonia.”