JIRIMIA 38:20 - Tanou Moonsoi Timugon

²⁰ Indagu aku ra raja', “Okou raja' kalo pataakon ra pantula'. Kitaakon ku, gagayaa' noyo ragu ru Tuhan maa' raginio ngaangai' no maayag am painawo muno pana maalungan.

JIRIMIA 38:20 ပူးပေါင်းရင်းမြစ်များ

KASAUKAN 12:13

Moonsoi poyo balain mu ilo ra okou ti boborok kuno; maa' raginio polosoon nilo aku maayag sabap ra okou am moonsoi pamakuan nilo raki'.”

KASAUKAN 19:20

Ilai', giu' no mokoondo' bandar boborok ondo' mamamaar. Poongoyo' aku ayuk ra giu' no maa' raginio maayag aku.”

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

AMSAL 4:4

i ama' masalok mangila' raki'. Kono, “Karaa' noyo pangilaan kuno am pai' noyo liliani'. Baalo' noyo atan nanusuban kuli, maa' raginio kaayagan muno makaansuk.

AMSAL 7:2

Gagayaa' noyo panusuban kuno, maa' raginio maayag kau. Pagigilai' min sumugut ra pangilaan kuno koson niayuk ra akau magalung ra mato min galama'.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

JIRIMIA 38:21

Kaa' nampakito noyo Tuhan raki' ra atan ondo' masauk rirun raja' amon ru kalo masaga' kou makirakop.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

AMOS 5:4

Indagu Tuhan ra ulun ru Israil, “Saguli' kano Raki', am akau pana maayag.

AMOS 5:6

Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

RINALATAN 26:29

Taam i Paulus, kono, “Mataki' kia kapoam mabuoi, ginio kalo maatang, kaa' makiasi' aku ri Aki Kapuuno' ra okou am ngaangai' ondo' mangkirongog raki' ra orou raiti' masauk niayuk ra Kristian koson raki'. Kaa' ondo' ayuk kalo am makaaya' rantayon.”

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

JAKUBUS 1:22

Kaa' suguto' min toojo atan ondo' pinabala' noyo ramuyun ri Aki Kapuuno', am sala' ka rongogon ayuk. Sabap ra amon ru koson raginio, akau ayuk galama' miruruung.