JIRIMIA 38:2 - Tanou Moonsoi Timugon

² ragu ru Tuhan, “Osoi ayuk mayan ra ralalom ru bandar ti matoi ralalom ru pangayawan, kapoam sabap ra bitilan, kapoam sabap ra maruol tumapik. Kaa' osoi ayuk mingkual am makirakop ra ulun ru Babilonia kalo potoyon; maa' ak ra io no maayag.”

JIRIMIA 38:2 ပူးပေါင်းရင်းမြစ်များ

JIRIMIA 21:4

mambala' ra Raja' Jidikia ra Tuhan, i Aki Kapuuno' ru Israil, minindagu koson ragitio, “Jidikia, kalaan Ku pulalai muno ondo' tatanga' mangayou mampatoi ra raja' ru Babilonia am pulalai nano. Patunturon Ku ngaangai' kinandoi ru saujor muno giu' ra tatanga' ru bandar.

JIRIMIA 24:8

“Kaa' pamakuan Kuno, Tuhan ra ulun ragitio koson ra kawa' ru ara ondo' napasa', ondo' kalo maakan: Raja' Jidikia intor ra Jiuda, am pagawai-pagawai nano, am niayuk mamagun ru Jirusalim ra bokon, ondo' namagun ra pagun ti kapoam ondo' minanding ra Misir.

JIRIMIA 27:11

Kaa' bansa' ondo' masaga' kumuku' am masaga' mangandoi ayuk ra raja' ru Babilonia polosoon Ku mayan ra pagun galama' nilo koson magitanom ra giu' no. Aku, Tuhan, nakaindagu noyo.”

JIRIMIA 27:13

Nakaindagu noyo Tuhan ra bansa' ondo' kalo kumuku' ra raja' ru Babilonia matoi sabap ra pangayawan kapoam bitilan kapoam maruol tumapik. Kua rirun raja' am mamagun masaga' matoi koson raginio?

JIRIMIA 29:16

Rongogo' noyo atan ondo' rinagu ru Tuhan intor ra raja' ondo' namarinta ra pagun ondo' pinarinta ri Daut ra galing i, am intor ra mamagun ru bandar ti, iono pabukat-pabukat min ondo' kalo inibit ra namatiran nababaya' ramuyun.

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

JIRIMIA 39:18

Okou bayagon Ku, am kalo potoyon kou. Maayag kou sabap ra mangintopot kou Raki'. Aku, Tuhan, nakaindagu noyo.”

JIRIMIA 42:17

Ngaangai' ulun ondo' gumogot mongoi ra Misir am mayan ra giu' no matoi ralalom ru pangayawan, kapoam sabap ra bitilan, kapoam maruol tumapik. Kolondo' sangulun pana maayag kapoam makalabus intor ra karaat ondo' porotongon Kuno risilo.’

JIRIMIA 42:22

Ginio ra karaa' noyo: matoi kau ralalom pangayawan, kapoam sabap ra bitilan, kapoam maruol tumapik ra pagun ondo' kasagaan min mayan.”

JIRIMIA 44:13

Ukumin Ku ilo ondo' minayan giu' ra Misir, koson ra Aku nangukum ra Jirusalim ra pangayawan, bitilan am maruol tumapik.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 6:11

Indagu Tuhan Raja', “Palaso' kalindu'! Kariboko' kinjang ru kalayam! Panulaboi no sabap ra ngaangai' binaal ondo' malaat am makauyuyu' ondo' binaal ru bansa' ru Israil. Matoi ilo sabap ra pangayawan, bitilan kapoam maruol tumapik.

YEHEZKIEL 7:15

Ulun mantutula' giu' ra ralan, ulun marualan am maitilan giu' ra ralalom ru baloi. Osoi ayuk ondo' soroi giu' ra liwar ru bandar matoi sabap ra pangayawan, am osoi ayuk ondo' soroi giu' ra ralalom ru bandar matiu' ra maruol am maitilan.