JIRIMIA 38:19 - Tanou Moonsoi Timugon

¹⁹ Kaa' taam ru raja', “Malaa' aku ra mamagun kuno ondo' minaya' ra ulun ru Babilonia. Maaru' lair pataakon aku risilo am imboloon.”

JIRIMIA 38:19 ပူးပေါင်းရင်းမြစ်များ

2 TUNUNG RU BANSA' ISRAIL 30:10

Ulun-ulun sinusub no minongoi ra moonong bandar giu' ra wilayah Ipraim am Manasi, am giu' ra ralayo saboi ra wilayah ru bansa' ru Jibulon. Ulun makakurit am manauyu' risilo,

NIGIMIA 4:1

Pokorongog i Sanbalat ra akai ulun ru Jaudi nakatalimpuun noyo namuna' ra timbok ru bandar, siminangit io kaga' am tumalimpuun magasab ramon.

AYUP 31:34

Ragu ru kasuangan kalo malaa' aku, am pagasaban ru ulun kalo lioon ku; kalo igondo' aku soroi ra baloi kapoam mongkoror ayuk, sabap malaa' ra ilo magasab.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

JIRIMIA 38:22

Ralalom ru pinaintalang no nakakito aku ra ngaangai' ruandu' ondo' lakat poyo soroi giu' ra istana ru Jiuda inibit minuma' ra pagawai-pagawai ru raja' ru Babilonia. Liliwa' mugar ruandu'-ruandu' no mindagu, ‘Raja' rinuung ru rangan-rangan nano, nanguasa' ilo riso. Raino paat ra kalayam ru raja' nakatapung noyo ra losok, nangiruan rangan-rangan nano riso.’ ”

JIRIMIA 38:5

Indagu Raja' Jidikia, “Ginio poyo, guguang min mambaal ra kasagaan min riso. Kalo inggalarin takamin.”

JIRIMIA 39:9

Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.

JUANIS 12:42

Kabalu' pana raginio, masuang niayuk tingganai ru ulun ru Jaudi nangintopot ri Jisus. Kaa' kalo makakau' ilo mangiou raginio, sabap ra malaa' ilo mapandayan ru ulun ru Parisi am inggalarin ilo mumpos ra baloi sambayangan.

TINGGANAI RU BANSA' 9:54

Mataki' i Abimilik nampiau ra ungkuyon mamulok ondo' nagibit ra kinandoi mangayou nano, am indagu, “Butuso' ilang muno am potoyo' aku. Kalo masaga' aku raguon ru ulun ra pinatoi aku ru sangulun ruandu'.” Nonobok ungkuyon mamulok no riso, am patoi i Abimilik.

1 SAMUIL 15:24

Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.