JIRIMIA 38:18 - Tanou Moonsoi Timugon

¹⁸ Kaa' amon ru kalo makirakop kou, bandar ti pataakon ra ulun ru Babilonia. Solobon nilo bandar ti, am kalo makapagiru' kou intor risilo.”

JIRIMIA 38:18 ပူးပေါင်းရင်းမြစ်များ

2 RAJA'-RAJA' 24:12

am nababaya' Raja' Joyakin am ina' nano, anak-anak ungkuyon am ruandu' nano, pagawai-pagawai nano, pagawai-pagawai ru istana nano nakirakop ra ulun Babilonia, Raja' Joyakin pana rinakop. Kasaukan ragitio nasauk ra bilor kabalu' ru pamarintaan ru Raja' Nibukadnijar.

JIRIMIA 21:10

Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

JIRIMIA 27:8

“Kaa' bansa' kapoam pamarintaan ondo' marara' kumuku' ri Nibukadnijar ukumin Ku ra pangayawan, bitilan am maruol tumapik saboi polosoon Ku i Nibukadnijar mamuso risilo ra lingonon.

JIRIMIA 37:8

Mopongo raginio matong poyo saujor ru Babilonia am mamulunsar ra bandar ti; gaawon am solobon nilo ginio.

JIRIMIA 38:23

Indagu aku poyo, “Ngaangai' andu' am niayuk anak muno raja' ibiton ra ulun ru Babilonia, am okou galama' pana kalo makapagiru' intor risilo. Rokopon kou ru raja' ru Babilonia, am bandar ti solobon saboi makai'.”

JIRIMIA 38:3

Nambala' aku niayuk risilo ra ragu ru Tuhan ra pataakon No bandar ti ra saujor ru Babilonia, am gaawon nilo bandar ti.

JIRIMIA 39:3

Paat ra Jirusalim ginaau, ngaangai' pagawai masawat ru raja' ru Babilonia minatong am nanturung giu' ra Kulobon Garabang Tanga'. Ilo iono Nirgal-Sarijir, Samgar-Nibo, Sarsikim, ulun manalingapu ra istana, am i Nirgal-Sarijir Rabmag.)

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

YEHEZKIEL 12:13

Kaa' paatangon Ku pamalandak koson mamparakop ra raja'. Aku boo magibit riso mongoi ra bandar Babil, am matoi io ra kalo makakito ra bandar no.

YEHEZKIEL 17:15

Kaa' raja' Jiuda gumuor am nangator ra ulun minongoi ra Misir koson mokoowot ra kuda am niayuk pulalai ru saujor ondo' maayo. Nakasugut kia raja' ru Jiuda? Palabuson io kia intor ra kinibit ru binaal raginio? Kalo lair lumungkang io ra nabantuan am palabuson intor ra ukuman!”