JIRIMIA 37:9 - Tanou Moonsoi Timugon

⁹ Aku, Tuhan nampakara' ramuyun maa' raginio pai' min ruungo' inan galama' ra mangkara' ra saujor ru Babilonia kalo rumuli'. Maaru' rumuli' ilo.

JIRIMIA 37:9 ပူးပေါင်းရင်းမြစ်များ

AYUP 15:31

Amon ru mangintopot ilo ra ondo' kolondo' onong, ondo' apuon nilo kolondo' onong niayuk.

JIRIMIA 29:8

Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

OBAJA 1:3

Rinuung kau ru limbau mino. Pusor bandar min noyo kubu ru batu ondo' mapiot; intok ayanan min giu' ra tampak ru gunung ondo' masawat. Ginio sabap ra akau mangkara', ‘Osoi kia ondo' masaga' mamparatu' ramon?’

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

GALATIA 6:7

Pai' kano miruruung. Kolondo' sangulun pana makapamparuung ri Aki Kapuuno'. Ondo' tonomon ru sasangulun, ginio niayuk kumoson nano.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

JAKUBUS 1:22

Kaa' suguto' min toojo atan ondo' pinabala' noyo ramuyun ri Aki Kapuuno', am sala' ka rongogon ayuk. Sabap ra amon ru koson raginio, akau ayuk galama' miruruung.