JIRIMIA 37:21 - Tanou Moonsoi Timugon

²¹ Ginio ra nanusub Raja' Jidikia ra aputon aku giu' ra liliut ru istana. Minayan aku ra giu', am moonong orou aniin aku ra rondo' ruti' maayo intor ra intok ru ulun mambaal ra ruti', saboi ra bandar no nakayaan ra ruti'.

JIRIMIA 37:21 ပူးပေါင်းရင်းမြစ်များ

2 RAJA'-RAJA' 25:3

Paat ra orou kasiam, sila' kaapat ru bilor raginio, bulintok bitilan giu' ra bandar no najanjayan kaga' saboi ra mamagun ru Jirusalim kolondo' boo akanon,

AYUP 5:20

Magalung Io rirun paat ra bitilan, am mangampin rirun intor ra kapatayan paat ra pampatayan.

MAZMUR 37:19

Kalo maimbolo' ilo paat ra kapaganan; maukapan ilo paat ra bitilan.

MAZMUR 37:3

Pangintopot no ra Tuhan am pambaal kano ra ondo' moonsoi; ayan no ra pagun ragitio am akau pana maayag.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

JIRIMIA 20:2

nanusub io koson aku ti lambaan am rantayon giu' ra Kulobon Garabang Binjamin, garabang tampilon rasawat giu' ra Baloi ru Tuhan.

JIRIMIA 32:2

Paat raginio saujor ru raja' ru Babilonia tatanga' mamulunsar ra Jirusalim. Rinakop aku giu' ra liliut ru istana raja'

JIRIMIA 32:8

Topot koson ra rinagu noyo ru Tuhan, minatong i Anamiil raki' giu' ra liliut ru istana, am nangitaak koson balion ku tana' no. Ginio boo ra mangintopot aku ra topot-topot Tuhan minindagu raki'.

JIRIMIA 33:1

Paat ra aku lakat poyo rinakop giu' ra liliut ru istana, nampasaboi Tuhan ra tanou ra bokon raki'.

JIRIMIA 38:13

binunduk nilo aku pinaingkual intor ra tulubong no. Intor ragili inaput aku giu' ra liliut ru istana.

JIRIMIA 38:28

Inaput aku giu' ra liliut ru istana no saboi ra Jirusalim ginaau ru pantula'.

JIRIMIA 38:6

Ginio ra inibit nilo aku am pinatuun aku ra kalat ra ralalom tulubong ru anak raja' i Malkia. Tulubong no soroi giu' ra liliut ru istana. Nalasakan tulubong no, molosok ayuk, aku pana nakatapung ra ralalom ru losok no.

JIRIMIA 38:9

“Raja' kuno, binaal ru pagawai-pagawai no kalo motopot. Pinasubol nilo i Jirimia ra ralalom ru tulubong am maaru' matoi io maitilan ra giu' no sabap ra nakai' noyo akanon ra bandar ti.”

JIRIMIA 52:6

Paat ra orou kasiam, sila' kaapat ra bilor raginio, paat ra bitilan giu' ra bandar no najanjayan kaga' saboi mamagun kolondo' boo akanon,

SULABOI 5:10

Mansalom akai sabap maitilan, inan mai malasu' koson ra rapuan.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

RINALATAN 12:5

Ginio noyo ra i Pitrus inaput ra lamin pangaputan; kaa' pasimpungan ulun Kristian nakiasi' toojo ri Aki Kapuuno' koson riso.

RINALATAN 24:27

Pakasail ruo ngambilor, mokoondo' gabenor bagu, io no i Pirkius Pistus namalit ri Piliks. Kaa' nompoloso io ayuk i Paulus giu' ra lamin pangaputan sabap ra masaga' io mangambi' ra guang ru ulun-ulun ru Jaudi.

RINALATAN 28:16

Pakasaboi ra Roma, i Paulus iniou mayan sangulun ra rondo' baloi, kaa' alungin io niayuk ru sangulun saujor.

RINALATAN 28:30

Buoi ruo ngambilor i Paulus minayan ra Roma, giu' ra baloi siniwaan nali. Masaga' io mangapu ra ngaangai' ulun ondo' minongoi uma' riso i.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 6:20

Sabap ra kandoi mambala' ra Tanou Moonsoi ti pinakandayan raki' ri Jisus, kabalu' pana soroi aku ra pangaputan ti raino. Pakiasi' kano koson makakau' aku po mampabala' ra Tanou Moonsoi no maya' ra inaru' no.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.