JIRIMIA 37:18 - Tanou Moonsoi Timugon

¹⁸ Pangkuot aku boo riso, “Atan kia kasalaan kuno rirun raja', pagawai-pagawai muno, am mamagun, saboi pinasubol mu aku ra ralalom ru pangaputan?

JIRIMIA 37:18 ပူးပေါင်းရင်းမြစ်များ

KASAUKAN 31:36

Sangit boo i Jakub. “Atan kia kalaatan binaal kutu?” kono siminangit. “Atan kia ra susuban inanggal kuno saboi inilou mu aku?

AMSAL 17:13

Ulun ondo' mambalos ra kaansayan no ra kalaatan, kalo makapagiru' kalaatan ru baloi nano.

AMSAL 17:26

Kalo matimpok mangukum ra ulun kolondo' sala, am kalo matimpok mangukum ra ulun moonsoi.

JIRIMIA 26:19

Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

DANIL 6:22

Taam i Danil, “Kaayag kono raja' ra sabuoi-buoi no!

JUANIS 10:32

Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

RINALATAN 25:11

Amon ru inanggal ku ukum am nambaal ra kalaatan ondo' maukum ra potoyon, polosoon ayuk aku potoyon. Kaa' amon ru panguwan nilai no kalo motopot, kolondo' sangulun pana makakuasa' mampataak raki' risilo. Kitaakon ku ra aku bisaraan ru Kaisar Roma galama'!”

RINALATAN 25:25

Kaa' kolondo' natuum kuno ra atan ayuk kasalaan nano ra io maalap kaukum ra potoyon. Io galama' nangitaak makibisara' io ri Kaisar, ginio ra pootoron ku io ra Kaisar.

RINALATAN 25:8

Nagisaung i Paulus, “Kolondo' rondo' pana sala kutu ra Ukum ri Musa, ra Baloi Tuhan kapoam ra Kaisar Roma.”

RINALATAN 26:31

Pakaingkual ilo ayuk raiti am indagu ilo ra rondo' am bokon, “Kolondo' ra rondo' pana sala ru ulun ti ra io ukumin ra potoyon kapoam aputon.”

GALATIA 4:16

Kaa' raino aku ti pantula' min kia sabap ra nambala' ramuyun ra atan ondo' motopot ti?