JIRIMIA 37:17 - Tanou Moonsoi Timugon

¹⁷ Kopongo raginio nampiau Raja' Jidikia raki' muma' riso giu' ra istana. Giu' no sininok ru raja' nangkuot raki', “Mokoondo' kia ra tanou intor ra Tuhan?” Taam aku, “Mokoondo', okou raja' pataakon ra raja' ru Babilonia.”

JIRIMIA 37:17 ပူးပေါင်းရင်းမြစ်များ

1 RAJA'-RAJA' 22:15

Paat ri Mika muma' ra Raja' Agab, pangkuot io riso, “Mika, maalap kia kabulunsar mai ri Raja' Josapat kapoam kalo Ramot no?” Taam i Mika, “Bulunsaro' noyo. Maaru' mamanang kou raja'. Manaak Tuhan no rirun ra kamanangan.”

1 RAJA'-RAJA' 22:16

Kaa' indagu Raja' Agab, “Amon ru mindagu kou raki' ralalom inggalan ru Tuhan, indagu no ra motopot. Ingkula' aku musiti' mapakara' rirun ra baal ragitio?”

2 RAJA'-RAJA' 25:7

Pinatoi anak-anak ungkuyon ri Jidikia ra talupak ru mato nano. Kopongo raginio mato nano boo kiniul. Rinantai io boo am inibit ra Babil.

JIRIMIA 15:11

Iou Tuhan, amon ru kalo baalon ku kandoi kutu ra matanda', am kalo manaung ra pantula' giu' ra saang Muno paat ra ilo nalumpa' ru karaat am kapaganan, polosoon noyo ulas nilono totopot masauk. (

JIRIMIA 21:7

Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 24:8

“Kaa' pamakuan Kuno, Tuhan ra ulun ragitio koson ra kawa' ru ara ondo' napasa', ondo' kalo maakan: Raja' Jidikia intor ra Jiuda, am pagawai-pagawai nano, am niayuk mamagun ru Jirusalim ra bokon, ondo' namagun ra pagun ti kapoam ondo' minanding ra Misir.

JIRIMIA 25:35

Maaru' kalo makapagiru' kau.

JIRIMIA 37:3

Nanusub Raja' Jidikia ri Jukal anak ri Silimia, am Imam Jipanya anak ri Maasiya koson makitaak ra aku makiasi' ra Tuhan, i Aki Kapuuno' takau, tayar ru pagun takau.

JIRIMIA 38:5

Indagu Raja' Jidikia, “Ginio poyo, guguang min mambaal ra kasagaan min riso. Kalo inggalarin takamin.”

JIRIMIA 52:8

Kaa' saujor ru Babilonia nangilou ra Raja' Jidikia, am namparakop riso giu' ra pipit mamaar ra Jiriko. Paat raginio ngaangai' ru saujor nano nangiruan ra Raja' Jidikia.

YEHEZKIEL 7:26

Karaat am tanou malaat matong kalo lulumonggo'. Paat raginio makitaak kau ra nabi-nabi koson mambala' ra pinaintalang, kaa' papalo min ayuk. Imam-imam kolondo' atan-atan pailaan ra ulun, am ulun matutuo nakayaan ra bilin.

UNTABAN 23:17

Pakasaguli' i Biliam, ilai' no lakat poyo Raja' Balak no minigor nabaya' ra ngaangai' tingganai ru Moab, giu' ra sapapa' ru taak-taak simbalui ondo' pinataak nano. Nangkuot Raja' Balak ra ragu ru Tuhan,