JIRIMIA 36:7 - Tanou Moonsoi Timugon

⁷ Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 36:7 ပူးပေါင်းရင်းမြစ်များ

2 RAJA'-RAJA' 22:13

“Ongoi no pakitulu' intor ra Tuhan ra tayar kuno am ra tayar ru ngaangai' mamagun ru Jiuda intor ra pangilaan ru kitab ti. Siminangit Tuhan ritakau sabap ra kinamatuaan takali kalo nambaal ra atan ondo' tinulisan ra ralalom ru kitab ti.”

2 RAJA'-RAJA' 22:17

Nangimpai ilo Raki' am nampataak ra taak simbalui ra tuhan-tuhan ra bokon. Napasingkual ilo ra sangit Kuno sabap ra ngaangai' ru binaal nilo. Raino sumangit Aku ra Jirusalim, am sangit Kuno kalo lumonggo'-longgo'.

2 TUNUNG RU BANSA' ISRAIL 34:21

“Ongoi no pakipinson ra Tuhan ra bala kuno am ra bala ru ngaangai' mamagun ondo' lakat poyo soroi giu' ra Israil am Jiuda, intor ra pangilaan ru kitab ti. Sumangit Tuhan ritakau sabap ra kinamatuaan takau kalo giminagaya' ra ragu ru Tuhan am kalo nambaal ra atan ondo' tinulisan ra ralalom ru kitab ti.”

JIRIMIA 1:3

Kopongo raginio mindagu poyo Tuhan ri Jirimia paat ra pamarintaan ru Raja' Joyakim anak ungkuyon ru Raja' Josia. Kopongo raginio, indagu Tuhan ri Jirimia ra ingkukula' saboi bilor koopor am rondo' ra pamarintaan ru Raja' Jidikia anak ungkuyon ru Raja' Josia. Paat ra sila' kalimo bilor raginio niayuk mamagun ru Jirusalim pinatiran ra pagun.

JIRIMIA 16:10

Paat ra okou mampasaboi ra ngaangai' ru baal ragitio risilo, mangkuot ilo sabap ra namatas Aku koson mangukum risilo ra maagat kaga'. Mangkuot ilo intor ra kasalaan am tula nilo Raki', Tuhan i Aki Kapuuno' nilo.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 21:5

Mangayou Aku ramuyun ra sototopot ru ikang am sangit ondo' lumuab-luab.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 26:3

Maaru' bansa' no masaga' rumongog, am lumonggo' boo mambaal ra malaat. Amon ru koon raginio, kalo suguton Ku inatangan Kuno. Kalo pusoon Ku ilo sabap ra binaal malaat nilo.”

JIRIMIA 36:3

Paat ra mamagun ru Jiuda nokorongog intor ra ngaangai' karaat ondo' porotongon Kuno risilo, maaru' lair langgain nilo mambaal ra malaat. Amon ru ginio poyo, Aku pana mangampun ra kalaatan am tula nilo.”

JIRIMIA 37:20

Raino, kasaga' no rumongog raki' am mangiou ra kitaakon kuno. Pai' aku no boo pasubolo' ra baloi ri Jonatan, sabap ra matoi aku ra giu' no.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 42:2

Indagu ilo raki', “Pangindangan no ra iowo' kitaakon mai. Pakiasi' no ra Tuhan, i Aki Kapuuno' takau ra bala mai. Pakiasi' no ra bala mai ngaangai' ondo' naayag. Ragili masuang akai, kaa' raino ilai' noyo, kalo boo masuang akai.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 12:3

Ginio ra, okou ulun mapandai matoi, kumoso' kuliamos muno ralalom rondo' kuntil koson ondo' binaal ru sangulun nagiru', am ugar no ra kalo poyo molondom. Polosoo' ulun makakito rirun mangiruan ra bandar am mongoi ra intok ra bokon. Maaru' lair ulun-ulun gumuor no makakito rirun.

YEHEZKIEL 13:13

Koon ragitio noyo ragu ru Tuhan Raja', “Paat ra Aku sumangit kaga', mamparatong Aku ra bagiu' mapuor, rasam maawas am rasam batu koson mamuso ra timbok no.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

DANIL 9:18

Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

JOIL 2:12

Indagu Tuhan, “Kaa' raino talikur kano intor ra tula ra totopot am saguli' kano Raki' am mampali, mantangi' am manulaboi.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

JUNUS 3:8

Ulun am tinambiag musiti' mambayang ra konoon karung. Moonong ulun musiti' totopot makiasi' ri Aki Kapuuno', am lumonggo' mambaal ra kalaatan am binaal nano ondo' napanu' ra tula.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.