JIRIMIA 36:31 - Tanou Moonsoi Timugon

³¹ Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 36:31 ပူးပေါင်းရင်းမြစ်များ

MAZMUR 94:23

Ukumin No ulun malaat sabap ra kinalaat nilono, am mamuso risilo sabap ra tula nilono; Tuhan, i Aki Kapuuno' takau no ondo' mamuso risilo.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 23:34

Amon ru sangulun intor ra ulun Kuno kapoam sangulun nabi kapoam sangulun imam nanabit ra ragu ‘saanin ru Tuhan’, ukumin Ku io am sasambaloi nano.

JIRIMIA 29:32

am nanusub ramuyun manggal Raki', am Aku pana mangukum riso am papag nano. Kolondo' papag nano ondo' mayan ra gino ngai' min. Kalo maayag io koson magilong ra baal-baal moonsoi ondo' baalon Ku ra ulun Kuno. Aku, Tuhan nakaindagu noyo.”

JIRIMIA 35:17

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, mamparatong ra karaat ondo' binantu' Kuli ramuyun, mamagun ru Jiuda am Jirusalim. Baalon Ku gitio sabap ra marara' kau rumongog paat ra Aku mindagu, am marara' kau tumaam paat ra Aku mampiau.”

JIRIMIA 52:2

Raja' Jidikia makatula ra Tuhan koson ra Raja' Joyakim ragili.

YEHEZKIEL 7:8

Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

IMAMAT 26:14

Indagu Tuhan, “Amon ru marara' kau gumagaya' ra susuban Kuno, ukumin kau.

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.