JIRIMIA 36:24 - Tanou Moonsoi Timugon

²⁴ Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JIRIMIA 36:24 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

2 SAMUIL 1:11

Pokorongog raginio, rinilak ri Daut bayang nano ra mangiluk guang. Ngaangai' ru ulun nano nambaal niayuk raginio.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

AYUP 15:4

Kinapalo mu guang ru ulun ondo' malaa' ri Aki kapuuno'; inompong mu ilo makiasi' Riso.

MAZMUR 36:1

Ra tingganai ru santimungan maririmbai. Mazmur ri Daut, ulipon ru Tuhan.

MAZMUR 36:2

Tula mindagu ra liagu ru guang ru ulun malaat, impayin nilo i Aki Kapuuno' am kalo malaa' Riso,

MAZMUR 64:5

Mingkual ilo intor ra pansibunian am manimbaal ilo; ulun moonsoi simbaalin nilo.

KAINGKUALAN 7:23

Kaa' uli' raja' ra istana nano ra kalo noyo nampalio ra baal ondo' nasauk no.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 36:22

Kopongo raginio i Iliakim, Sibna, am i Joa namparilak ra bayang sinulungan nilo tatandu' ra ilo mangiluk guang. Ragu-ragu ru pagawai ru Asyur no pinabala' nilo ra Raja' Gijkia.

JISAYA 37:1

Paat nokorongog ra nambalaan nilo, rinilak ru Raja' Gijkia bayang nano sabap ra mangiluk guang. Nambayang io ra konoon karung am minongoi ra Baloi ru Tuhan.

JIRIMIA 36:16

Kopongo raginio, motontong ilo ra rondo' am bokon ra malaa' am indagu ri Baruk, “Musiti' mai pabalaan gitio ra raja'.”

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JUNUS 3:6

Pokorongog raja' Niniwi ra tanou no, tuun io intor ra panturungan nano. Inalus no sukub nano am bayango' no konoon karung, am turung io ra rasawat ru kaau.

MATIUS 12:41

Paat ra Orou Pupus no, ulun-ulun ru Niniwi migor am manguu' ramuyun sabap ra ilo timinalikur intor ra tula nilono paat ra ilo nangkirongog ra ragu ri Junus. Kaa' pakapandai no, ragiti mokoondo' maayo poyo intor ri Junus!

ROMA 3:18

am kalo mangurumat ilo ri Aki Kapuuno'.”