JIRIMIA 36:23 - Tanou Moonsoi Timugon

²³ Kopongo i Jigudi nambasa' ra talu kapoam apat ngambaris, lomporo' ru raja' tayar raginio ra rondo' pais boborok am patiri' no ra ralalom ru apui. Binaal ru raja' baal raginio ra rinayus-rayus saboi ra ngaangai' ru naskhah rinulun no sinolob.

JIRIMIA 36:23 ပူးပေါင်းရင်းမြစ်များ

1 RAJA'-RAJA' 22:27

Susubo' ilo mangaput riso ra pangaputan, am paaniin io ra ruti' am timug ayuk saboi ra aku makasaguli' ra maayag.”

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

MAZMUR 50:17

sabap ra kalo masaga' kau mangapu ra pangilaan Kuno; nangimpai kau ra susuban Kuno.

AMSAL 1:30

Kalo igondo' kau gagaya' ra bilin kuno kapoam mampalio ra sawai am ila' kuno.

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

AMSAL 19:21

Masuang atangon ru ulun, kaa' kasagaan ru Tuhan ayuk masauk.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

AMSAL 5:12

Akau pana mindagu boo, “Kua kasisangi' ku pambilinan? Kua kia pai' aku kasaga' sawayon?

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 36:27

Kopongo Raja' Joyakim nonolob ra naskhah rinulun ondo' pinabala' ku ri Baruk, nanusub Tuhan raki'

JIRIMIA 36:28

mangalap ra rondo' naskhah ra bokon am nanulis saguli' ra ngaangai' suang ru naskhah rinulun ondo' kasaa' i.

PINAINTALANG 22:19

Amon ru osoi ayuk mangiruru' ra bala' ondo' tinulisan ra kitab ragitio; iruon niayuk ri Aki Kapuuno' tayar nano intor ra kawa' ru puun ru mampakaayag am intor ra Bandar Matulai no, ondo' pinabala' ralalom kitab ragitio.