JIRIMIA 36:12 - Tanou Moonsoi Timugon

¹² Kopongo raginio minongoi i Mikaya ra istana ru raja', giu' ra lamin ru mamamatik ru pagun. Paat raginio ngaangai' ru pagawai istana tatanga' nansusunur. I Ilisama ioginio mamamatik ru pagun, i Dilaya anak ri Simaya, i Ilnatan anak ri Akbor, i Gimarya anak ri Sapan, i Jidikia anak ri Gananya, am ngaangai' pagawai ra bokon soroi ra giu' no.

JIRIMIA 36:12 ပူးပေါင်းရင်းမြစ်များ

2 RAJA'-RAJA' 22:12

Kono ra Imam Ilkia, ri Agikam anak ri Sapan, i Akbor anak ri Mika, i Sapan, iono mamamatik ru istana, am ri Asaya, iono pagawai saujor ru raja',

2 RAJA'-RAJA' 22:14

I Ilkia, i Agikam, i Akbor, i Sapan am i Asaya minongoi pakitulu' intor ra sangulun ruandu' ininggalanan ri Gulda. Io sangulun nabi ruandu' ondo' minayan giu' ra namagunan bagu giu' ra Jirusalim. Ralaki nano i Salum, anak ri Tikwa, akupu ri Gargas, iono manalingapu ra bayang ru sambayang giu' ra Baloi ru Tuhan. Tinunung nilo atan ondo' nasauk no ri Gulda.

2 RAJA'-RAJA' 22:3

Paat ra bilor koopor am balu' ru pamarintaan nano, nanusub Raja' Josia ra mamamatik ru istana, i Sapan anak ri Ajalia, iono akupu ri Misulam, minongoi ra Baloi ru Tuhan. Kon ru Raja' Josia,

2 RAJA'-RAJA' 24:8

Umur ru Raja' Joyakin mopor am balu' ngambilor paat ra io nasauk ra raja' giu' ra Jiuda. Namarinta io ra Jirusalim buoi talu ngansila'. Ina' nano ininggalanan ri Nigusta anak ri Ilnatan intor ra Jirusalim.

JIRIMIA 26:10

Paat ra tingganai-tingganai ru Jiuda nokorongog ra atan ondo' nasauk, nagindibok ilo miningkual intor ra istana am ongoi ra Baloi ru Tuhan, am panturung giu' ra Kulobon Garabang Bagu.

JIRIMIA 26:22

Kaa' nanusub Raja' Joyakim ri Ilnatan anak ri Akbor mababaya' ra kukula' ngaulun ra bokon mongoi ra Misir koson mamparakop ri Uria.

JIRIMIA 26:24

Kaa' inindangan aku ri Agikam anak ri Sapan, ginio ra kalo pinataak aku ra mamagun koson potoyon.

JIRIMIA 36:25

Kabalu' pana i Ilnatan, i Dilaya am i Gimarya nakimasi' ra raja' koson kalo solobon naskhah no, kalo linio ilo ru raja'.

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

JIRIMIA 41:1

Paat ra sila' katulu' ru bilor raginio, i Ismail anak ri Nitania, akupu ri Ilisama, nababaya' ra mopor ngaulun minongoi ra Mijpa koson muma' ri Gidalia. I Ismail sangulun makapabukatan ra raja', am pagawai masawat ru raja'. Tatanga' ilo nantulibung ra mangakan.