JIRIMIA 35:2 - Tanou Moonsoi Timugon

² “Ongoi no indagu ra ulun intor ra bansa' ru Rikab. Ibito' ilo ra rondo' lamin giu' ra Baloi Kuno am painumo' ilo ra wain.”

JIRIMIA 35:2 ပူးပေါင်းရင်းမြစ်များ

1 RAJA'-RAJA' 6:10

Lamin pinasambil ondo' talu ngatingkat no, ondo' 2.2 ngamito sawat no ra moonong tingkat, binaal giu' ra tampilon ra liwar ru timbok ra Baloi ru Tuhan am pinatunggul ra tataun bandayan intor ra tataun sidar.

1 RAJA'-RAJA' 6:8

Kulobon tampilon ra tingkat kasaa' ru lamin pinasambil no binaal ra tampilon rabugus ru Baloi ru Tuhan, am tingkat-tingkat no pinatunggul ra tukar.

1 TUNUNG RU BANSA' ISRAIL 2:55

Bansa'-bansa' ondo' mapandai kaga' ralalom ru panulisan am mamparalin ra surat-surat ondo' mangaatang minayan giu' ra bandar ru Jabis. Bansa' raginilo iono Tirati, Simati am Sukati. Ilo noyo ulun ru Kini ondo' natagandu' ra ulun ru Rikab.)

1 TUNUNG RU BANSA' ISRAIL 23:28

Musiti' ilo mangindangan ra imam-imam papag ri Arun ralalom kandoi upacara sambayang giu' ra Baloi ru Tuhan, magalung ra liliut am lamin giu' ra Baloi ru Tuhan, am niayuk magalung ra ngaangai' ondo' pinatimpok noyo ra Tuhan maa' raginio kalo masauk ra majamol.

1 TUNUNG RU BANSA' ISRAIL 28:12

Nampataak Raja' Daut ri Salomo ra ngaangai' pelan ondo' ginuang nano, iono pelan ru liliut-liliut am lamin-lamin ra liliut nano, am pelan ru gudang-gudang ru kuliamos ru Baloi ru Tuhan, am niayuk pelan ru gudang-gudang pambulian ra ondo' pinataak ra Tuhan.

1 TUNUNG RU BANSA' ISRAIL 9:26

Kaapat-apat tingganai ru magalung no ulun ru Liwi, am ilo nangandoi ra nasisir. Ilo pinalansan manalingapu ra lamin-lamin giu' ra Baloi ru Tuhan am kuliamos ondo' binulian ra giu' no.

1 TUNUNG RU BANSA' ISRAIL 9:33

Kukula' ngambaloi intor ra ulun ru Liwi nangandoi koson ra maririmbai giu' ra Baloi ru Tuhan. Tingganai-tingganai ru sasambaloi nilo minayan giu' ra kukula' baloi giu' ra Baloi ru Tuhan. Kalo inanian ilo ra kandoi ra bokon sabap mangandoi ilo paat ra matawang am rondom.

2 TUNUNG RU BANSA' ISRAIL 3:9

am 570 ngagram mas pinakai koson mambaal ra paku'. Rinding ru lamin-lamin giu' ra tampas rasawat niayuk inangkupan ra mas.

2 TUNUNG RU BANSA' ISRAIL 31:11

Sumugut ra susuban ru raja', tinampos nilo intok-intok pambulian giu' ra liliut Baloi ru Tuhan,

IJRA 8:29

Alungi' kuliamos-kuliamos raginio ra matanda' saboi ra akau makasuku' giu' ra Baloi ru Tuhan. Giu' no ra maagu no, giu' ra lamin ru imam, timbango' noyo ngaangai' kuliamos raginio am pataako' noyo ra tingganai-tingganai ru imam, ulun ru Liwi am tingganai ru bansa' ru Israil giu' ra Jirusalim.”

NIGIMIA 13:5

Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan.

JIRIMIA 35:3

Aku pana nagibit boo ra ngaangai' bansa' ru Rikab, iono i Jaajanya (anak ru sangulun ondo' ininggalanan ri Jirimia anak ri Gabajinya) nababaya' ra ngaangai' pabukat am anak ungkuyon nano,

JIRIMIA 35:4

am ongoi ra Baloi ru Tuhan. Inibit ku ilo ra lamin ru maamaya' ru Nabi Ganan anak ri Jigdalya. Lamin no giu' ra rasawat ru lamin ri Maasiya anak ri Salum, sangulun pagawai masawat giu' ra Baloi ru Tuhan. Lamin no niayuk mamaar ra lamin ru pagawai-pagawai ra bokon.

JIRIMIA 35:8

Ginagaya' mai ngaangai' nanusuban ri Jonadab no. Akai am andu' mai kalo igondo' inum ra wain; koson niayuk ra anak ungkuyon kapoam anak ruandu' mai.

YEHEZKIEL 40:16

Giu' ra timbok tampilon ra liwar am timbok pangkilolot ru ngaangai' lamin no mokoondo' ra gigimpalan ondo' boborok. Giu' ra timbok tampilon ra ralalom ondo' tumingkuang ra babayaan no mokoondo' inukir ra puun palma.