JIRIMIA 35:17 - Tanou Moonsoi Timugon

¹⁷ Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, mamparatong ra karaat ondo' binantu' Kuli ramuyun, mamagun ru Jiuda am Jirusalim. Baalon Ku gitio sabap ra marara' kau rumongog paat ra Aku mindagu, am marara' kau tumaam paat ra Aku mampiau.”

JIRIMIA 35:17 ပူးပေါင်းရင်းမြစ်များ

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

AMSAL 16:2

Moonong baalon ru ulun maaru' lair moonsoi ra pangkaraan nano galama', kaa' Tuhan mangaru' ra logo gogot ru guang nano.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 65:12

Malarom patayan mino sabap ra akau kalo tumaam bulintok ra Aku mampiau, am kalo mangkirongog kau bulintok ra Aku mindagu. Singonon min kalo gumagaya' Raki' am singonon min mambaal ra malaat.

JISAYA 66:4

Ginio ra palumpaan Ku karaat no risilo, ioginio karaat ra kalaanin nilo. Baal raginio masauk sabap ra bulintok ra Aku mampiau, kolondo' sangulun pana tumaam, am bulintok ra Aku mindagu, kolondo' sangulun pana mangkirongog. Masaga' ilo manggal Raki' am mambaal ra malaat.”

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 19:3

Nanusub Tuhan raki' mindagu koson ragitio, “Raja' kau ru Jiuda am mamagun ru Jirusalim! Rongogo' atan ondo' masaga' Kuno, Tuhan Ondo' Maayo Kaga' Kuasa', i Aki Kapuuno' ru Israil, paraguon ramuyun. Mamparatong Aku ra karaat ondo' makalalaa' ra intok ragitio saboi ulun ondo' mangkirongog no makatigog.

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

JIRIMIA 32:33

Nangiruan ilo Raki' kabalu' pana narayus Aku nangila' risilo, marara' ilo mangkirongog am marara' mangapu ra pangilaan.

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

ROMA 10:21

Kaa' koson ra ulun ru Israil, kon ri nabi Jisaya, “Gitio noyo kon ri Aki Kapuuno', ‘Monsongorou Aku maginaa risilo sumaguli' Raki', kaa' ilo no mokotog ulu am kalo gumagaya'.’ ”