JIRIMIA 35:14 - Tanou Moonsoi Timugon

¹⁴ Papag ri Jonadab giminagaya' ra susuban ri Jonadab maa' raginio kalo manginum ra wain. Saboi ra orou raiti' kolondo' sangulun pana risilo nanginum ra wain. Kabalu' pana rinayus Ku minindagu ramuyun, kaa' kalo ginagaya' min Aku.

JIRIMIA 35:14 ပူးပေါင်းရင်းမြစ်များ

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

JIRIMIA 29:19

Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JIRIMIA 32:33

Nangiruan ilo Raki' kabalu' pana narayus Aku nangila' risilo, marara' ilo mangkirongog am marara' mangapu ra pangilaan.

JIRIMIA 35:16

Ginagaya' ru papag ri Jonadab susuban ru kinamatuaan nilo, kaa' kalo ginagaya' min Aku.

JIRIMIA 35:6

Kaa' taam ilo, “Kalo manginum akai ra wain. Kinamatuaan maili, i Jonadab anak ri Rikab, nanginggalar ramon am papag mai intor ra manginum ra wain.

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.