JIRIMIA 34:7 - Tanou Moonsoi Timugon

⁷ paat ra saujor ru raja' ru Babilonia namulunsar ra bandar ru Jirusalim. Saujor ru Babilonia niayuk namulunsar ra Lakgis am Ajika, ruo bandar mokoondo' ra kubu ondo' lakat poyo soroi giu' ra Jiuda.

JIRIMIA 34:7 ပူးပေါင်းရင်းမြစ်များ

2 RAJA'-RAJA' 14:19

Kukula' ngaulun giu' ra Jirusalim naguguum koson mamatoi ra Raja' Amajia. Ginio ra nagiru' io minongoi ra bandar Lakgis, kaa' inilou io ru pantula'-pantula' nano ra giu' no am namatoi riso.

2 RAJA'-RAJA' 19:8

Norongog ru pagawai ru Asyur no ra nangiruan raja' ru Asyur no ra Lakgis am tatanga' mangayou ra Libna, rondo' bandar ondo' mamaar. Io pana minongoi ra giu' koson makibilin.

2 TUNUNG RU BANSA' ISRAIL 27:4

Giu' ra kagunungan ru Jiuda, nambaal Raja' Jotam ra bandar-bandar, am giu' ra kataunan-kataunan nambaal io ra kubu am manara.

JISAYA 36:2

Kopongo ragili Raja' Sanirib nanusub ra tingganai ru pagawai nano mintor ra Lakgis am mongoi ra Jirusalim mababaya' ra sampulalai maayo saujor koson mampajajal ra Raja' Ijkia rumuku'. Pagawai no nangalap ra intok ra ralan no, intok ru ulun mambaal ra konoon mangandoi, mamaar ra parit ondo' papatilisan ra timug intor ra kulam tampilon ra ralayo.

JIRIMIA 11:12

Kopongo raginio mamagun ru Jiuda am Jirusalim mongoi pakiindangan ra tuhan-tuhan ra bokon ondo' sambaan nilo ra mampataak ra taak simbalui. Kaa' tuhan raginio kalo makaandar mamayag risilo paat ra karaat no matong.

JIRIMIA 34:1

Minindagu Tuhan raki' paat ra Raja' Nibukadnijar intor ra Babilonia am saujor nano namulunsar ra Jirusalim am bandar-bandar giu' ra liliut no. Raja' no pinatoi ru saujor ru pagun-pagun am bansa'-bansa' ondo' ralalom ru kuasa' nano.

JIRIMIA 4:5

Samputi' noyo bujung giu' ra titikop pagun! Golok no ra mosongou am matalinaasan. Susubo' noyo mamagun ru Jiuda am Jirusalim magiru' ra bandar-bandar mokoondo' ra kubu.

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

MIKA 1:13

Mamagun ru Lakgis, paatango' noyo kuda ra kurita' ru kuda. Tumilu ra tula ru ulun giu' ra Israil, mangkinibit kau ra ulun ru Jirusalim makatula.

SAGULION 28:52

Mamulunsar ilo ra moonong bandar giu' ra tana' ondo' taakin ramuyun ru Tuhan i Aki Kapuuno' min, am timbok-timbok masawat am niayuk mapiot ondo' lalansanin min mangalunsai.

JOSUA 10:3

Ginio ra nambilin Raja' Adoni-Jidik ragitio ra Raja' Gogam intor ra Gibron, Raja' Piram intor ra Jarmut, Raja' Japia intor ra Lakgis am Raja' Dibir intor ra Iglon,

JOSUA 10:5

Kalimo-limo ngaulun raja' ru Amori no iono raja' intor ra Jirusalim, Gibron, Jarmut, Lakgis am Iglon minatong nababaya' ra ngaangai' saujor nilo, am nagawang am namulunsar ra Gibion.

JOSUA 12:11

Jarmut, Lakgis,

JOSUA 15:35

Jarmut, Adulam, Sokgo, Ajika,

JOSUA 15:39

Lakgis, Bojkat, Iglon,