JIRIMIA 34:5 - Tanou Moonsoi Timugon

⁵ Matoi kou ra kaansayan, am koson ra ulun monolob ra kaminyan paat ra ilo mompolobong ra kinamatuaan muli, ioginio raja'-raja' ra kalo poyo bulintok muno, koson raginio niayuk ilo monolob ra kaminyan rirun. Mangulir ilo rirun am mindagu, ‘Minatoi noyo raja' takau!’ Aku, Tuhan, nakaindagu noyo.”

JIRIMIA 34:5 ပူးပေါင်းရင်းမြစ်များ

2 RAJA'-RAJA' 22:20

Ginio ra baal ondo' baalon Kuno ra Jirusalim kalo masauk buoi okou maayag. Iowon Tokou matoi ra kaansayan.” Ulun-ulun sinusub no siminaguli' ra Raja' Josia am nampasaboi ra tanou raginio.

2 TUNUNG RU BANSA' ISRAIL 16:14

Linobong io giu' ra kalabangan bulur batu ondo' pinahat noyo riso giu' ra Bandar Daut. Baangkai nano linatakan ra apa' pampagamis ra akanon am ondo' mangaamis owou ra kalo poyo linobong. Apui pinaangan ondo' maayo kaga' koson mangurumat riso.

2 TUNUNG RU BANSA' ISRAIL 34:28

ginio ra ukuman ondo' paratuon Kuno ra Jirusalim kalo masauk buoi ra okou maayag. Mangiou Aku rirun matoi ra moonsoi.” Ulun-ulun sinusub no pana minuli' ra Raja' Josia am nampasaboi ra tanou raginio.

JIRIMIA 22:18

Ginio ra minindagu Tuhan intor ra Raja' Joyakim anak ungkuyon ru Raja' Josia, intor ra Jiuda, “Kolondo' ulun manulaboi ra pinatayan nano; kolondo' ulun ondo' mindagu, ‘Alii boo ra rangan kuno, alii boo.’ Kolondo' ulun ondo' mantangi' kapoam gumolok, ‘Makalulumpus raja' kuno!’

JIRIMIA 34:4

Okou Jidikia, rongogo' ragu Kuno intor rirun. Kalo potoyon kou ralalom ru pangayawan.

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

YEHEZKIEL 17:16

Indagu Tuhan Raja', “Sabap ra Aku, i Aki Kapuuno' ondo' maayag, raja' ru Jiuda matoi giu' ra Babilonia, sabap ra liminungkang ra ibot am nabantuan nano ra raja' ru Babilonia ondo' nampasauk riso ra raja'.

DANIL 2:46

Kopongo raginio Raja' Nibukadnijar pana igulatur ra saang ri Danil am nanusub maa' raginio taak simbalui kaunaran am kaminyan pataakon ri Danil.

1 SAMUIL 31:12

kukula' ngaulun ondo' baani kaga' minugar am nangkiralan ra buoi ru rondom minongoi ra Bit-Sian. Pinatuun nilo baangkai ru Raja' Saul am anak-anak ungkuyon nano intor ra timbok ru bandar, am inibit ginilo saguli' ra Jabis, am sinolob ngaangai' baangkai no ra giu' no.