JIRIMIA 34:14 - Tanou Moonsoi Timugon

¹⁴ moonong tulu' ngambilor musiti' nilo palabuson osoi ayuk ulun ru Ibrani ondo' nasauk ra ulipon nilo buoi onom ngambilor. Kaa' kinamatuaan nilo kalo nampalio kapoam riminongog ra ragu Kuno.

JIRIMIA 34:14 ပူးပေါင်းရင်းမြစ်များ

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

1 RAJA'-RAJA' 9:22

Raja' Salomo kalo napasauk ra osoi pana ra ulun ru Israil koson ra inulipon. Ilo no sinauk ra saujor, pagawai, panglima, tingganai ru pulalai mangkurita' kuda am ulun ru pulalai mangkuda.

2 TUNUNG RU BANSA' ISRAIL 28:10

Raino akau pana namparakop ra mamagun ru Jirusalim am Jiuda, am masaga' mampasauk risilo ra uliponon min. Kalo kia nakapandai kau ra akau galama' pana makatula noyo ra Tuhan, i Aki Kapuuno' min?

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

YEHEZKIEL 20:4

“Okou ulun mapandai matoi, nakatampos kono kia mangukum risilo? Amon ru nakatampos kono mambaal raginio, pakaraa' noyo ilo intor ra ngaangai' binaal makauyuyu' ondo' binaal ru kinamatuaan nilo.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

IMAMAT 25:10

Kon raginio ra akau palilion ayuk bilor ondo' kalimo ngoopor, am mapatanou ra kalabusan ra ngaangai' mamagun ru pagun. Paat ra bilor raginio ngaangai' rapu' ondo' natalan noyo musiti' pasagulion ra tatangan toojo kapoam ra papag ru tatangan no. Osoi ayuk ondo' tinalan noyo koson ra ulipon musiti' pasagulion ra sasambaloi nano.

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

AMOS 8:6

Talanon takau gandum ondo' naapu' ra logo masawat. Uyumon takau sangulun musikin ondo' kalo makatanggang mambayar ra utang, kabalu' pana utang no koson ra logo ru satuop salipar ayuk, am balion takau ulun no koson ra ulipon.”

ROMA 7:24

Koson ragitio kaayagan kutu: Ralalom ru guang kuno masaga' aku gumagaya' ra ukum ri Aki Kapuuno', kaa' paliso kuno ra ulun kinuasa' ru tula. Aku noyo koson ra ulun inibatan! Osoi kia makapamayag raki' intor ra inan ti ondo' mangkinibit raki' ra kapatayan? Paringkuanangan ri Aki Kapuuno'; sabap ra ralalom inggalan ri Jisus Kristus mamayag Io raki'.

SAGULION 15:1

“Paat ra pompor ru moonong bilor katulu', pusoo' noyo utang ru ulun ondo' magutang ra ruit min.

SAGULION 15:12

“Amon ru sangulun Israil, ungkuyon kapoam ruandu', mantalan ra inan nano koson sangulun inulipon ramuyun, palabuso' noyo io malupus io mangandoi ramuyun buoi onom ngambilor. Paat bilor ra katulu', musiti' palabuson min io.

SAGULION 15:9

Pai' kau karara' mapaira' riso ra sasaban ayuk ra bilor mamuso ra utang mamaar noyo. Pai' polosoo' pangkaraan kinalaat raginio sumubol ra guang min. Amon ru marara' kau mapaira', mampalaa ulun no ra Tuhan am pabalaan kau ra makasala.