JIRIMIA 33:6 - Tanou Moonsoi Timugon

⁶ Kaa' tauli no punaan Ku baal ru bandar ti am mamabas ra mamagun nano. Manaak Aku ra malabaan ra kaansayan am kamiaan risilo.

JIRIMIA 33:6 ပူးပေါင်းရင်းမြစ်များ

JUANIS 10:10

Mantatakou matong mongoi pantakou, mamatoi am mampalunsai. Kaa' aku minatong koson ilo ondo' mangkirongog Raki' mokoowot ra kaayagan, io no kaayagan ondo' malabaan.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

MAZMUR 67:2

Iou Aki Kapuuno', pakaasi' no am barakati' akai; pakaansuk no magilong ramon,

JISAYA 58:8

Sinda pana sumila' rirun koson ra susuab ti, am pipilat muno mapali' mataki'. Masalok Aku mabaya' ramuyun koson mamayag ramuyun. Ratangan Kuno manindung ramuyun intor ra nansalinut linsuk.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

JISAYA 66:12

Mindagu Tuhan, “Aniin Takamin ra kinalangkayaan ra sabuoi-buoi no. Kinalangkayaan ru pagun-pagun ra bokon tumilis ra pagun muno koson ra sungoi ondo' kalo igondo' kapua'. Masauk kau koson ra anak ondo' patition ru ina' nano, ondo' kubibilon am tagamin.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

JIRIMIA 17:14

Iou Tuhan, babaso' aku no, maa' raginio maligag aku. Bayago' aku no, maa' raginio maayag aku. Okou ayuk omporon kuno!

MIKA 4:3

Manalasai Io ra pansangaran ra gino ngai' ru bansa'-bansa', ra gino ngai' ru kuasa'-kuasa' maayo ondo' mamaar am ondo' maalur. Mampalarom ilo ra ilang-ilang nilo masauk ra radu', am tutura' nilo masauk ra pais pamutul. Bansa'-bansa' kalo boo makapangayou, am kalo boo tumampos ra mangayou.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

MAZMUR 37:11

Ulun ondo' minggana' guang makatungkus ra pagun ti, am makasia' ra kalangkayaan ondo' lumuab-luab.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

IPISUS 6:23

Gama' ru i Aki Kapuuno', Ama' takau, am i Tuhan Jisus Kristus mangani' ra pabansayan, togom am pangintapatan ra ngaangai' pabukat Kristian.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

JISAYA 39:8

Raja' Gijkia mangkara' ra buoi ru bayag nano, pamarintaan nano kalinuos ayuk am moonsoi ayuk. Ginio ra taam raja', “Ragu ru Tuhan ondo' posoboyon muno moonsoi.”

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAMPATANOU 3:3

paat ra mamatoi am paat ra mamabas, paat ra mamunsag am paat ra mambaal.

JISAYA 57:18

Nakito Ku noyo paliso nilono, kaa' mamali' Aku risilo. Kitangon Ku ilo am mangindangan risilo. Bansukon Ku guang ru ulun ondo' mangulir.

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.