JIRIMIA 33:3 - Tanou Moonsoi Timugon

³ “Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

JIRIMIA 33:3 ပူးပေါင်းရင်းမြစ်များ

MAZMUR 145:18

Minggaar Io ra ulun ondo' mampiau Riso, am ondo' makiasi' toojo Riso.

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

JISAYA 45:3

Aniin Tokou ra kalangkayaan intor ra intok-intok ondo' molondom am nakasibuni; bagu no makapandai kou ra Aku noyo Tuhan, am niayuk i Aki Kapuuno' ru Israil nampiau noyo ra inggalan muno.

JISAYA 48:6

Nansalinut panalaan Kuno nasauk noyo ragino, musiti' no iowon min ra panalaan Kuno motopot. Ragino manala' Aku ra baal-baal nakabagu, inopot-inopot ra kalo poyo napandayan min.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

JIRIMIA 23:35

Sotopot no, moonong ulun musiti' mangkuot ra pabukat-pabukat nano, ‘Atan kia taam ru Tuhan? Atan kia ondo' rinagu ru Tuhan?’

JIRIMIA 29:12

Bagu no gumolok kau Raki'. Matong kau koson makiasi' Raki' am taamon Ku pakiasian min.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

JIRIMIA 32:27

“Aku noyo Tuhan, i Aki Kapuuno' ru ngaangai' ulun. Kolondo' ondo' mapagon kaga' Raki'.

DANIL 2:18

Nanusub io risilo makiasi' ri Aki Kapuuno' panguasa' giu' ra suruga' maa' raginio makaasi' Io risilo am mampatutun ra ondo' nakasibuni ra inupi no risilo, maa' raginio kalo potoyon ilo mababaya' ra ulun maminson ra bokon giu' ra Babil.

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

MIKA 7:15

Baalo' noyo ramon kaimuagan-kaimuagan, iou Tuhan, koson ondo' binaal Muli ra galing i, paat ra Okou nagibit ramon miningkual intor ra Misir.

MATIUS 13:35

Baalon ri Jisus koson raginio maa' raginio masauk boo ragu ru nabi Jisaya, “Magabig Aku paat ra Aku mangila' risilo; Mambala' Aku risilo ra sauk ondo' kalo napandayan ru ulun intor ra tana' ti binaal.”

RINALATAN 2:21

Paat raginio, osoi ayuk makiindangan ra Tuhan, bayagon io.’

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

SAGULION 4:29

Giu' no ra tauli no maguyum kau ra Tuhan i Aki Kapuuno' min, am amon maguyum kau Riso ra sotopot-topot ru guang, makatuum kau Riso.

SAGULION 4:7

“Kolondo' bansa' ra ati pana, kabalu' pana bansa' maayo, ondo' makatuhan ondo' mamaar kaga' paat makapakuan risilo koson ra Tuhan i Aki Kapuuno' takau mamaar ritakau. Tumaam Io ra sasanggilan takau mampiau makiindangan.

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”