JIRIMIA 33:22 - Tanou Moonsoi Timugon

²² Ruangin Ku suang ru papag ri Daut, am suang ru imam-imam ra papag ru Liwi, saboi suang nilo kalo mauntob koson ra butitin giu' ra limbowon am agis giu' ra nagas.”

JIRIMIA 33:22 ပူးပေါင်းရင်းမြစ်များ

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KASAUKAN 15:5

Ibito' ru Tuhan i Abram miningkual ra liwar am indagu, “Pantingaa' ra limbowon am kinami' untobo' suang ru butitin no; makapapag kou koson ra kinasuang ru butitin no.”

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

MAZMUR 22:30

Ngaangai' ulun malilimbau igugulatur Riso; ngaangai' ulun igugulatur ra saang Nano.

MAZMUR 89:29

Tagamin Ku io toojo, am nabantuan Kuno riso mantilayun ra sabuoi-buoi no.

JISAYA 48:19

Papag mino masauk masuang koson ra agis am tutunon Ku maa' raginio kalo mapuso ilo.”

JISAYA 66:21

Santayaran risilo no pasaukon Ku ra imam am ulun ru Liwi.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JIRIMIA 31:37

Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

JIRIMIA 33:18

am masalok soroi imam intor ra bansa' ru Liwi koson mangandoi ayuk Raki' am mampataak ra taak simbalui koson mapabansuk ra guang Kuno, taak simbalui koson paringkuanangan Raki', am taak-taak simbalui ra bokon.”

JIRIMIA 33:23

Indagu Tuhan raki',

YEHEZKIEL 37:10

Aku pana mindagu ra ragu manala' koson ra nanusuban raki'. Angin pana nanampui ra painawo ra ralalom ru inan-inan no saboi inan-inan no maayag am minigor. Masuang ilo kaga', maukop mambaal ra rondo' pulalai ru saujor ondo' maayo.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

JAKARIA 10:8

Piawon Ku ulun Kuno, timungon Ku ilo. Bayagon Ku ilo, am ilo kasuangon koson ragili.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 2:4

Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

IBRANI 11:12

Intor ra sangulun ayuk, ioginio i Abragam ondo' sotopot no kalo boo makapangani' ra sayat, masuang boo toojo sayat. Suang nilo koson ra suang ru butitin giu' ra limbowon am koson ra suang ru agis giu' ra kiing ru raat ra kalo maalap kauntob.