JIRIMIA 33:14 - Tanou Moonsoi Timugon

¹⁴ Indagu Tuhan, “Masaboi paat no ra suguton Ku bantu' Kuno ra mamagun ru Israil am Jiuda.

JIRIMIA 33:14 ပူးပေါင်းရင်းမြစ်များ

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 29:10

Indagu Tuhan, ‘Paat ra masuku' tulu' ngoopor ngambilor tayar ru Babilonia, lioon Takamin poyo am manugut ra bantu' Kuno koson magibit ramuyun muli'.

JIRIMIA 31:27

Aku, Tuhan nakaindagu ra masaboi paat no ra sosokon Ku pagun Israil am Jiuda ra ulun am bibiag.

JIRIMIA 32:42

Koson ra Aku namparatong ra karaat ra bansa' ragitio, koson raginio niayuk ra Aku mangani' risilo ra ngaangai' ondo' moonsoi, ondo' binantu' Kuli.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

LUKAS 10:24

Balai' takamin, intor noyo ra galing i masuang nabi am raja' masaga' milong ra nakito min ti, kaa' kalo nakakito ilo. Masaga' ilo rumongog ra naining min ti, kaa' kalo nakaining ilo.”

2 KORINTUS 1:20

Sabap Riso, i Aki Kapuuno' mindagu ra “Iou” ra moonong ondo' binantu' Nali. Ginio ra itakau mindagu ra “Amin”, sabap ri Jisus Kristus, maa' raginio urumaton takau i Aki Kapuuno'.

IBRANI 11:40

sabap ra nangaru' Io noyo ra rondo' baal moonsoi poyo ritakau ngai', ioginio, ra mabaya' ayuk ritakau, ilo no saukon ra matanda'.

1 PITRUS 1:10

Pamayagan ragitio noyo ondo' inintutunan am inimumuyan toojo ru nabi-nabi, am nambala' ilo poyo ra ati kulaan kataawan ri Aki Kapuuno' no ramuyun.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.