JIRIMIA 33:13 - Tanou Moonsoi Timugon

¹³ Giu' ra bandar-bandar ra tampilon kabuluran, giu' ra lonson toojo ru bulur, giu' ra tampilon rabugus ru Jiuda, giu' ra wilayah ru Binjamin, giu' ra pekan-pekan ra liliut ru Jirusalim, am giu' ra bandar-bandar ru Jiuda, igondo' poyo magagalung-magagalung manguntob ra domba nilo. Aku, Tuhan, nakaindagu noyo.”

JIRIMIA 33:13 ပူးပေါင်းရင်းမြစ်များ

JIRIMIA 17:26

Ulun matong intor ra bandar-bandar Jiuda, am intor ra kampung-kampung giu' ra liliut ru Jirusalim; matong ilo intor ra wilayah Binjamin, intor ra lonson toojo ru bulur, intor ra kagunungan am intor ra tampilon rabugus ru Jiuda. Magibit ilo ra taak simbalui koson mapabansuk ra guang Kuno am taak-taak simbalui ra bokon, taak simbalui koson ra paringkuanangan am kaminyan, am niayuk taak simbalui ra paringkuanangan ra Baloi Kuno.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 32:15

Tuhan Ondo' Maayo Kaga' Kuasa', i Aki Kapuuno' ru Israil, minindagu ra baloi, tana' am umo ru anggur balion poyo giti ra pagun ti.”

JIRIMIA 32:44

Balion ru ulun umo am surat pambalian no sainin am saapin giu' ra saang ru sasi'-sasi'. Baal raginio masauk giu' ra wilayah Binjamin, giu' ra pekan-pekan ra liliut ru Jirusalim, giu' ra bandar-bandar Jiuda, giu' ra bandar-bandar ra tampilon kabuluran, giu' ra tampilon lonson toojo ru bulur, am giu' ra tampilon rabugus ru Jiuda. Pasagulion Ku bansa' ragitio ra pagun nilo. Aku, Tuhan nakaindagu noyo.”

YEHEZKIEL 20:37

“Moporos pamakuan Kuno ramuyun maa' raginio gumagaya' kau ra nabantuan Kuno.

IMAMAT 27:32

Sanginan intor ra moonong mopor ngainan bibiag tinambiag masauk ra Tuhan tatangan. Paat untobon bibiag no, moonong ondo' koopor masauk ra Tuhan tatangan.

OBAJA 1:20

Pulalai ru ulun pinatiran intor ra tampilon ralayo sumaguli', am manguasa' ra Pinisia saboi ra Jarpat giu' ra ralayo. Ulun intor ra Jirusalim ondo' pinatiran giu' ra Sardis, sumaguli' am manalingaau ra bandar-bandar giu' ra tampilon rabugus ru Jiuda.

LUKAS 15:4

“Amon ru sangulun intor ramuyun mokoondo' maatus ngainan domba am tumanggau sanginan i, atan baalon ru ulun no? Iruanin no siam ngoopor am siam ngainan no giu' ra pampakatapan, am mongoi paguyum ra sanginan i saboi matuum.