JIRIMIA 33:12 - Tanou Moonsoi Timugon

¹² Indagu Tuhan Ondo' Maayo Kaga' Kuasa', “Giti ra pagun ondo' koson ra tana' kaagisan ti, ondo' kalo inayanan ru ulun kapoam bibiag, igondo' poyo mokoondo' ra padang makasakot, intok ru ulun magalung ra domba nilo.

JIRIMIA 33:12 ပူးပေါင်းရင်းမြစ်များ

RIMBAI PANGAMPARAN 1:7

Indagu no, alii ra ambai kuno, ati kia intok muno magalung ra bibiag, ati kia intok pagupuan ru domba bulintok tanga' ru orou? Kua kia uyumo' tokou mangkilolot ra sampanon ru domba longgom ru ulun magagalung ra bokon?

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

JIRIMIA 17:26

Ulun matong intor ra bandar-bandar Jiuda, am intor ra kampung-kampung giu' ra liliut ru Jirusalim; matong ilo intor ra wilayah Binjamin, intor ra lonson toojo ru bulur, intor ra kagunungan am intor ra tampilon rabugus ru Jiuda. Magibit ilo ra taak simbalui koson mapabansuk ra guang Kuno am taak-taak simbalui ra bokon, taak simbalui koson ra paringkuanangan am kaminyan, am niayuk taak simbalui ra paringkuanangan ra Baloi Kuno.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 31:24

Mayan ulun giu' ra Jiuda am giu' ra ngaangai' ru bandar nano. Giu' no mokoondo' ra ulun magitanom, am ulun magagalung am ra bibiag tinambiag nilo.

JIRIMIA 32:15

Tuhan Ondo' Maayo Kaga' Kuasa', i Aki Kapuuno' ru Israil, minindagu ra baloi, tana' am umo ru anggur balion poyo giti ra pagun ti.”

JIRIMIA 36:29

Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

JIRIMIA 51:62

Kopongo raginio pakiasi' no koson ragitio, ‘Iou Tuhan, minindagu Kou ra pusoon Mu pagun ti, saboi kolondo' atan pana ilo ondo' maayag mayan ragiti – kolondo' ulun am kolondo' bibiag. Intok ti masauk ra tana' kaagisan ra sabubuoi no.’

YEHEZKIEL 36:35

Moonong ulun mindagu boo ra tana' ondo' ragili kolondo' tutuu' nasauk boo koson ra Taman Idin, am bandar-bandar ondo' linunsai, tinakawan am pinoloso napuut, raino nasauk ra bandar mokoondo' ra kubu am inayanan ru ulun.

AGAI 1:4

“Akau ulun Kuno, kua ayan kau giu' ra ralalom ru baloi moonsoi, kaa' Baloi Kuno lakat poyo nalunsai?