JIRIMIA 33:11 - Tanou Moonsoi Timugon

¹¹ bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 33:11 ပူးပေါင်းရင်းမြစ်များ

1 TUNUNG RU BANSA' ISRAIL 16:34

Paringkuanangan no ra Tuhan, sabap ra Io moonsoi; togom Nano mantilayun.

1 TUNUNG RU BANSA' ISRAIL 16:8

Paringkuanang no ra Tuhan, potonowo' katulayan Nano. Tunungo' binaal Nano ra bansa'-bansa'.

2 TUNUNG RU BANSA' ISRAIL 20:21

Pakapansusunur ra mamagun, panusub raja' ra kukula' ngaulun maririmbai maa' raginio mambayang ra ondo' kaindalaman bayangon ra upacara-upacara ru ugama. Ulun-ulun maririmbai no musiti' mugar giu' ra saang ru saujor liliwa' marimbai, “Omporo' noyo Tuhan! Togom Nano mantilayun!”

2 TUNUNG RU BANSA' ISRAIL 29:31

Indagu Raja' Gijkia ra mamagun, “Raino inan min patimpokon noyo ra Tuhan, ginio ra pampataak kano ra taak simbalui ra paringkuanangan min ra Tuhan.” Ginagaya' nilo susuban no, am mokoondo' poyo intor risilo ondo' masaga' magibit ra bibiag-bibiag koson pataakon koson ra taak simbalui koson mapabansuk ra guang ru Tuhan.

2 TUNUNG RU BANSA' ISRAIL 7:3

Paat ra ulun ru Israil nakakito ra apui riminatu' intor ra limbowon am sinda ratangan ru Tuhan nakatikop ra Baloi ru Tuhan, igulatur ilo ra sulig am samba ri Aki Kapuuno'. Nongompor ilo Riso ra kinoonsoi Nano am togom Nano ondo' mantilayun.

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

NIGIMIA 8:12

Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

MAZMUR 106:1

Omporo' noyo Tuhan! Paringkuanang no ra Tuhan, sabap ra Io moonsoi; togom Nano mantilayun.

MAZMUR 107:1

“Paringkuanang kano ra Tuhan sabap ra Io moonsoi; togom Nano mantilayun!”

MAZMUR 107:22

Musiti' no maringkuanang ilo Riso am mapataak ilo ra taak simbalui, am mapatanou ra binaal Nano ralalom ru rimbai-rimbai maansukan.

MAZMUR 116:17

Pataakon kuno Rirun taak simbalui ru paringkuanangan, liliwa' makiasi' Rirun.

MAZMUR 147:13

Pioton No kulobon garabang Muno; mambarakat Io ra ulun Nano.

MAZMUR 85:7

Kaikango' akai saguli', am akai ulun Muti mongompor boo Rirun.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 52:8

Rongogo' noyo noloos ayuk kaantakan ru mantatamung ra bandar, ngaangai' ilo magilakup! Sabap mato nilo galama' magilong Tuhan siminaguli' ra Sion.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JIRIMIA 16:9

Rongogo' noyo ragu intor Raki', Tuhan Ondo' Maayo Kaga' Kuasa', i Aki Kapuuno' ru Israil. Bolos maansukan am maansayan am niayuk nginonsol ru pangiantakan paguguatan langgain Ku. Baal raginio makito ru ulun ondo' maayag ra bulintok muti.

JIRIMIA 17:26

Ulun matong intor ra bandar-bandar Jiuda, am intor ra kampung-kampung giu' ra liliut ru Jirusalim; matong ilo intor ra wilayah Binjamin, intor ra lonson toojo ru bulur, intor ra kagunungan am intor ra tampilon rabugus ru Jiuda. Magibit ilo ra taak simbalui koson mapabansuk ra guang Kuno am taak-taak simbalui ra bokon, taak simbalui koson ra paringkuanangan am kaminyan, am niayuk taak simbalui ra paringkuanangan ra Baloi Kuno.

JIRIMIA 25:10

Langgain Ku lakup maansukan am pangiantakan ru paguguatan nilo. Kolondo' ilo ra umau koson ra pilasut, am gandum nilo makai'.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 32:44

Balion ru ulun umo am surat pambalian no sainin am saapin giu' ra saang ru sasi'-sasi'. Baal raginio masauk giu' ra wilayah Binjamin, giu' ra pekan-pekan ra liliut ru Jirusalim, giu' ra bandar-bandar Jiuda, giu' ra bandar-bandar ra tampilon kabuluran, giu' ra tampilon lonson toojo ru bulur, am giu' ra tampilon rabugus ru Jiuda. Pasagulion Ku bansa' ragitio ra pagun nilo. Aku, Tuhan nakaindagu noyo.”

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

NAGUM 1:7

Tuhan no moonsoi; manindung Io ra ulun Nano paat ra ilo mapagon, magalung Io ra ulun ondo' sumindung Riso.

JIPANYA 3:14

Akau ulun ru Israil, pakaansuk kano am parimbai! Akau mamagun ru Jirusalim, pakaansuk kano ra totopot ru guang!

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

JAKARIA 8:19

“Mampali ondo' binaal ra sila' kaapat, kalimo, katulu' am koopor masauk ra pangiantakan ondo' natikop ra kaansukan am kasagaan ru mamagun Jiuda. Tagami' noyo katapatan am kaansayan!”

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

JUANIS 3:29

Koson niayuk ra paguguatan: Ungkuyon uatin mokoowot ra andu'; kaa' mamparangan ra ungkuyon uatin ti ondo' mangkirongog riso pana maansukan. Ginio nai ra raino ti maansukan aku toojo,

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”