JIRIMIA 32:8 - Tanou Moonsoi Timugon

⁸ Topot koson ra rinagu noyo ru Tuhan, minatong i Anamiil raki' giu' ra liliut ru istana, am nangitaak koson balion ku tana' no. Ginio boo ra mangintopot aku ra topot-topot Tuhan minindagu raki'.

JIRIMIA 32:8 ပူးပေါင်းရင်းမြစ်များ

1 RAJA'-RAJA' 2:26

Kopongo raginio indagu Raja' Salomo ra Imam Abiatar, “Uli' no ra intok namagunan muli giu' ra Anatot. Sotopot no okou ti ukumin ra matoi, kaa' kalo mangukum aku raginio rirun raino, sabap ra paat okou lakat poyo nabaya' ra ama' kuno, nagalung kou ra Kaban Nabantuan ru Tuhan, am nakaaya' kou naimbolo' nabaya' ra ama' kuno.”

1 RAJA'-RAJA' 22:25

Taam i Mika, “Makapandai kou ra baal ragitio paat ra okou mansibuni giu' ra rondo' ra lamin ra talikuron no.”

1 TUNUNG RU BANSA' ISRAIL 6:60

Giu' ra wilayah ru bansa' ru Binjamin nakaalap ilo ra bandar-bandar ragitio nabaya' ra padang sakot giu' ra liliut ru bandar: Giba, Alimit am Anatot. Suang ringai' no mopor am talu bandar koson ayanan ru sasambaloi nilo.

JIRIMIA 1:1

Kitab ti mokoondo' ra ragu-ragu ri Jirimia anak ri Ilkia, sangulun ra imam intor ra bandar Anatot giu' ra wilayah Binjamin.

JIRIMIA 32:2

Paat raginio saujor ru raja' ru Babilonia tatanga' mamulunsar ra Jirusalim. Rinakop aku giu' ra liliut ru istana raja'

JIRIMIA 32:25

Kabalu' pana koson raginio, iou Tuhan Raja', Okou noyo nanusub raki' nambali' ra tana' giu' ra saang ru kukula' ngaulun sasi', kabalu' pana sangkinolor poyo bandar no kuasaan ru ulun ru Babilonia.”

JIRIMIA 32:7

ra i Anamiil, anak ungkuyon ru kamaman kuno i Salum, matong raki' koson mangitaak raki' maa' raginio balion ku tana' nano giu' ra Anatot, giu' ra wilayah Binjamin. Aku noyo pabukat nano ra mamaar kaga' am matimpok mambali ra tana' no.

JIRIMIA 33:1

Paat ra aku lakat poyo rinakop giu' ra liliut ru istana, nampasaboi Tuhan ra tanou ra bokon raki'.

JIRIMIA 37:12

Ginio ra iniruanan ku Jirusalim am minongoi ra wilayah Binjamin koson mangapu ra tinungkus kuno intor ra matuo kuno.

YEHEZKIEL 12:7

Binaal ku atan ondo' nanusuban ru Tuhan. Paat orou raginio mangkumos aku ra kuliamos kuno ralalom ru rondo' kuntil koson ondo' binaal ru sangulun nagiru'. Paat ra mamai' no, orou lumondom galing, kalindu' kutu pinomopol ku ra timbok ru baloi ku saboi makaluang, am miningkual aku minaya' ra luang no. Tatanga' ulun magilong, nansaan aku ra kuntil kuno am iruani' intok raginio.

JAKARIA 11:11

Koson raginio noyo nabantuan no inukat paat ra orou raginio. Ulun-ulun mantalan ra domba nagilong raki', am nakapandai ilo ra Tuhan tatanga' mindagu ralalom ru binaal kuno.

JUANIS 4:53

Kakara' no jam ragili niayuk inindaguan ri Jisus riso ra, “Napali' noyo anak muno.” Nangintopot boo ilo sambaloi ri Jisus.