JIRIMIA 32:40 - Tanou Moonsoi Timugon

⁴⁰ Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

JIRIMIA 32:40 ပူးပေါင်းရင်းမြစ်များ

2 SAMUIL 23:4

raja' no koson ra sirang ru mato ru orou ra susuab ti paat ra susuab toojo bulintok ru matawang limbowon no. Io koson ra sirang ru mato ru orou malupus rumasam, ondo' mambaal ra sakot moonsoi kinasansam ra manguliat.”

MAZMUR 80:19

Kalo boo masaga' akai manatang Rirun; polosoon noyo akai maayag, am mongompor akai Rirun.

JISAYA 24:5

Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

YEHEZKIEL 36:26

Aniin Takamin ra guang am pangkaraan ondo' bagu. Aligin Ku guang mino ondo' mokotog ra guang ondo' gumagaya'.

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

YEHEZKIEL 39:29

Pasasaron Ku Ambiluo Kuno ra ulun ru Israil, am kalo boo iruanin Ku ilo. Aku, Tuhan Raja', nakaindagu noyo.”

MIKA 4:5

Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

IBRANI 7:24

Kaa' i Jisus ti maayag ra mantilayun am kandoi Nano koson ra imam kalo palitin ru ulun ra bokon.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.