JIRIMIA 32:35 - Tanou Moonsoi Timugon

³⁵ Nambaal ilo ra altar-altar ra Baal giu' ra Limayak Ginom, am nampataak ra anak-anak nilo ra Dewa Molok. Sotopot no, kalo igondo' Aku nanusub risilo mambaal raginio, am poyo kalo igondo' tabual ralalom ru pangkaraan Kuno ra baalon nilo baal malaat raginio am nangkinibit ra ulun ru Jiuda makatula.”

JIRIMIA 32:35 ပူးပေါင်းရင်းမြစ်များ

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

1 RAJA'-RAJA' 11:7

Giu' ra rasawat ru rondo' gunung giu' ra tampilon sirangon ru Jirusalim, Raja' Salomo nambaal ra intok sambaan ra Kamos, dewa makatataman ondo' sambaan ru ulun ru Moab. Nambaal io ra intok sambaan ra Molok, dewa makatataman ondo' sambaan ru ulun ru Amon.

1 RAJA'-RAJA' 14:16

Mangiruan Tuhan ra Israil, sabap ra makatula noyo Raja' Jirobiam am nangkinibit ra ulun ru Israil makatula.”

1 RAJA'-RAJA' 15:26

Koson ra ama' nali ragili, Raja' Nadab pana makatula ra Tuhan, am nangkinibit ra Israil makatula.

1 RAJA'-RAJA' 15:30

Baal raginio nasauk sabap ra Raja' Jirobiam napaingkual ra sangit ru Tuhan, i Aki Kapuuno' ru Israil; Raja' Jirobiam makatula noyo, am io niayuk nangkinibit ra ulun ru Israil makatula.

1 RAJA'-RAJA' 16:19

Baal raginio nasauk sabap ra tula ru Raja' Jimri ra Tuhan. Koson ra Raja' Jirobiam, raja' ra nakapagulu no, Raja' Jimri niayuk napasingkual ra sangit ru Tuhan sabap ra tula nano galama', am sabap ra nangkinibit ra ulun ru Israil makatula.

1 RAJA'-RAJA' 21:22

Sasambaloi muno masauk koson ra sasambaloi ru Raja' Jirobiam anak ri Nibat, am koson ra sasambaloi ru Raja' Baisa anak ri Agia, sabap ra napaingkual kou ra sangit Kuno am niayuk nangkinibit ra ulun ru Israil makatula.’

2 RAJA'-RAJA' 21:11

“Raja' Manasi nambaal ra baal-baal ondo' majaka', ondo' majaka' poyo intor ra binaal ru ulun ru Kanaan. Ra ondo' sinungkalalaing nano, nangkinibit io ra mamagun ru Jiuda makatula.

2 RAJA'-RAJA' 21:4

Nambaal io ra altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson ra intok sumambayang Riso.

2 RAJA'-RAJA' 23:10

Nampajamol niayuk Raja' Josia ra Topit, intok sambaan ra dewa giu' ra Limayak Ginom, maa' raginio kolondo' osoi pana makapapataak ra anak nano koson ra taak simbalui ondo' solobon ra Dewa Molok.

2 RAJA'-RAJA' 23:15

Nampalunsai niayuk Raja' Josia ra intok sambaan giu' ra Bitil, ondo' binaal ru Raja' Jirobiam anak ri Nibat, ondo' nangkinibit ra Israil makatula. Nampalunsai Raja' Josia ra altar giu' ra intok sambaan no. Inumok no batu-batu ru altar no, am tinutu no nasauk ra kaau. Io niayuk nonolob ra sinungkalalaing Dewi Asyira.

2 RAJA'-RAJA' 3:3

Kaa' koson ra Raja' Jirobiam anak ri Nibat ragili, Raja' Joram niayuk nangkinibit ra Israil makatula am kalo masaga' io tumalikur intor ra tula.

2 TUNUNG RU BANSA' ISRAIL 33:6

Pinataak no anak-anak ungkuyon nano giu' ra Limayak Ginom koson ra taak simbalui ondo' solobon. Nangimaya' io ra kapandayan mangilong am sihir, nampiau io ra ulun-ulun mangilong am babalian. Raja' Manasi makatula' toojo ra Tuhan am napasingkual ra sangit Nano.

2 TUNUNG RU BANSA' ISRAIL 33:9

Raja' Manasi nangkinibit ra mamagun ru Jiuda makatula poyo intor ra bansa'-bansa' ondo' pinagiru' ru Tuhan intor ra pagun no paat ra ulun Nano siminubol ra pagun no.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

KAINGKUALAN 32:21

Indagu i Musa ri Arun, “Atan kia ondo' binaal ru ulun ragitilo rirun saboi mopoloso kou risilo makatula ra maayo?”

JISAYA 57:5

Sumamba kau ra dewa-dewa kalabungan am mansawa' ra saau ru puun-puun keramat. Pataakon min anak-anak mino koson ra taak simbalui giu' ra lapak ru bulur batu, giu' ra limayak sungoi.

JIRIMIA 19:2

koson mababaya' mongoi ra Limayak Ginom mansail ra Kulobon Garabang Poto ru Rarapu'. Musiti' ku potonowon tanou Nano giu' ra intok raginio.

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

JIRIMIA 7:30

Mamagun ru Jiuda nambaal noyo ra kalaatan. Pinabanta' nilo sinungkalalaing nilo ondo' kasisangin Kuno giu' ra ralalom Baloi ru Tuhan, saboi najamalan.

JIRIMIA 7:31

Nambaal ilo rondo' altar ondo' ininggalanan ra Topit giu' ra Limayak Ginom. Giu' ra rasawat ru altar no nonolob ilo ra anak-anak nilo, ungkuyon am ruandu', koson ra taak simbalui. Sotopot no kalo igondo' Aku panusub risilo mambaal raginio, am niayuk kalo igondo' baal raginio miningkual intor ra pangkaraan Kuno.

YEHEZKIEL 23:37

Nansawa' ilo am namatoi ra ulun. Nansawa' ilo ra sinungkalalaing am namatoi ra anak-anak Kuno ondo' inanak nilo. Pinataak nilo anak-anak Kuno koson ra taak simbalui ra sinungkalalaing nilo.

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.

RINALATAN 7:43

Kim ru sinungkalalaing ininggalanan ra Molok ondo' ibibiton min ayuk, mabaya' poyo ra tuhan min ra butitin, inggalanin ra Ripan; ginio ngaangai' ondo' binaal min galama' am sambaa'. Ginio boo ra Aku namatir ramuyun giu' ra pagun Babil.’

SAGULION 12:31

Pai' samba ra Tuhan i Aki Kapuuno' min ra ralan nilo sumamba ra tuhan-tuhan nilo, sabap ra paat ilo sumamba ra tuhan-tuhan no, nambaal ilo ra ngaangai' ra baal malaat ondo' kasisangin ru Tuhan. Mulu' poyo anak nilo galama' pana sinolob nilo ra rasawat ru altar koson taak simbalui ra tuhan-tuhan nilo.

SAGULION 18:10

Pai' papataak ra anak-anak min koson ra taak ondo' solobon ra rasawat ru altar. Pai' polosoo' osoi pana ra gino ngai' min masauk ra mangngilong kapoam maguyum ra tatandu', kapoam mamakai ra jampi

SAGULION 24:4

Ralalom ru karuruo baal raginio, ralaki kasaa' ru ruandu' no kalo iowon maguot poyo riso. Ralaki no musiti' mangkara' riso koson ra ruandu' ondo' jinamol noyo. Amon ru maguot poyo ungkuyon no ra ruandu' no, baal raginio masauk ra rondo' pagasaban ra Tuhan. Kalo iowon kau mambaal ra tula ra makalalaa' raginio giu' ra tana' ondo' pataakon ramuyun ru Tuhan i Aki Kapuuno' min.”