JIRIMIA 32:33 - Tanou Moonsoi Timugon

³³ Nangiruan ilo Raki' kabalu' pana narayus Aku nangila' risilo, marara' ilo mangkirongog am marara' mangapu ra pangilaan.

JIRIMIA 32:33 ပူးပေါင်းရင်းမြစ်များ

AYUP 35:11

am nampasauk risilo ra mapintar poyo intor ra bibiag ra lantur kapoam susuit ra mansiab.

JIRIMIA 18:17

Pantutuliaron Ku ulun Kuno giu' ra saang ru pantula', koson ra angin sirangon mapasiob ra kaau. Talikurin Ku ilo; kalo indanganon Ku ilo paat ra karaat matong.”

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

YEHEZKIEL 23:35

Gitio noyo ragu ru Tuhan Raja', “Sabap ra nakalilian kono Raki' am niayuk nanalikur Raki', mansaan kou ra kaimbalaan kinibit ru guang malaai am kandoi mantalan ra inan muno.”

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

JUANIS 8:2

Nokorondom ra suabon i, subol Io ra Baloi Tuhan am ulun masuang minatong Riso. Ginio ra panturung Io am tumalimpuun mangila' risilo.