JIRIMIA 32:24 - Tanou Moonsoi Timugon

²⁴ Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

JIRIMIA 32:24 ပူးပေါင်းရင်းမြစ်များ

JIRIMIA 33:4

Aku, Tuhan, i Aki Kapuuno' ru Israil, minindagu ra baloi-baloi giu' ra Jirusalim am istana ru raja' ru Jiuda lunsayon, kinibit ru pagawangan am pamulunsaran ru pantula'.

JIRIMIA 32:36

Tuhan, i Aki Kapuuno' ru Israil, minindagu raki', “Okou Jirimia, bansa' ru Israil minindagu ra pangayawan, bitilan, am maruol tumapik mangkinibit ra bandar ti maratu' ra ralalom ru kalindu' ru raja' ru Babilonia. Raino, rongogo' ragu Kutu.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

YEHEZKIEL 21:22

Panah ondo' makatatandu' ra ‘Jirusalim’ butuson ru kalindu' pamiris nano. Baal ragitio makaarati' ra raja' musiti' manuntur ra tataun-tataun panukul giu' ra kulobon garabang, mambaal ra rinding masawat ru pagawangan am mangkali ra parit-parit.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

JIRIMIA 32:3

ru Raja' Jidikia sabap ra inuwan aku nampatanou ra minindagu Tuhan, “Polosoon Ku raja' ru Babilonia manguasa' ra bandar ti,

MATIUS 24:35

Limbowon am tana' ti mapuso, kaa' ragu Kutu mantilayun.”

JIRIMIA 52:6

Paat ra orou kasiam, sila' kaapat ra bilor raginio, paat ra bitilan giu' ra bandar no najanjayan kaga' saboi mamagun kolondo' boo akanon,

JIRIMIA 32:25

Kabalu' pana koson raginio, iou Tuhan Raja', Okou noyo nanusub raki' nambali' ra tana' giu' ra saang ru kukula' ngaulun sasi', kabalu' pana sangkinolor poyo bandar no kuasaan ru ulun ru Babilonia.”

JIRIMIA 24:10

Mamparatong Aku ra pangayawan, bitilan, maruol tumapik risilo saboi ra ngaangai' nilo matoi, am kolondo' ulun ondo' matatang ra pagun ondo' tinaakan Ku risilo am kinamatuaan nilo.”

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

2 SAMUIL 20:15

Ulun ri Joab nokorongog ra soroi i Siba ra giu' am nampaliput ilo ra bandar no. Nambaal ilo ra punsu masawat tampilon ra liwar ru timbok, am tumalimpuun mangkali ra tana' ra ragana' ru timbok koson mampatuan raginio.

JISAYA 37:33

Gitio noyo bala' ru Tuhan koson ra raja' ru Asyur, ‘Kalo sumubol Io ra Jirusalim, kapoam mapabakis ra panah no tumingkuang riso. Saujor-saujor ra makaampin kalo minggaar ra bandar ragitio. Kalo mambaal ilo ra bujuk ru tana' koson mapalibung riso.

JIRIMIA 6:6

Tuhan Ondo' Maayo Kaga' Kuasa' nanusub noyo ra raja'-raja' koson mantagar ra puun tataun am mambaal ra timbok koson magawang ra Jirusalim. Indagu Tuhan, “Mangukum Aku ra bandar ti sabap ra masuang kaga' pangimbalaan nasauk ragiti.

JIRIMIA 20:5

Polosoon Ku pantula' nilo manalingaau am magaut ra ngaangai' kalangkayaan ru bandar ti am niayuk ngaangai' rapu' longgom nano poongoyon ra Babilonia, am poyo rapu' tungkuson ru raja'-raja' ru Jiuda.

JIRIMIA 29:17

Indagu Tuhan Ondo' Maayo Kaga' Kuasa', ‘Mamparatong Aku ra pangayawan, bitilan am maruol tumapik risilo. Pamakuan Kuno risilo koson ra kawa' ru ara ondo' napasa' kaga' saboi kalo maakan.

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 32:5

Kopongo raginio ibito' i Jidikia ra Babilonia am mayan ra giu' no saboi ra ukumin Ku io. Kabalu' pana mamulunsar io ra ulun ru Babilonia, kalo makasugut io. Aku, Tuhan nakaindagu noyo.”

JIRIMIA 32:28

Pataakon Ku bandar ti ra Raja' Nibukadnijar intor ra Babilonia am saujor nano. Gaawon nilo bandar ti,

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

JIRIMIA 52:4

Ginio ra Raja' Nibukadnijar nababaya' ra ngaangai' pulalai ru saujor nano namulunsar ra Jirusalim paat ra orou koopor, sila' koopor ralalom bilor kasiam ra pamarintaan ru Raja' Jidikia. Nangkim ilo giu' ra liwar ru Jirusalim am nambaal ra timbok koson magawang ra bandar no.

YEHEZKIEL 26:8

Mamagun ru bandar-bandar giu' ra tana' marata' potoyon ralalom pangayawan. Pantula' mangkali ra parit, mambaal ra timbok pagawangan, am manampos ra perisai koson ra kubu ondo' mapiot koson manggal rirun.

ABAKUK 1:10

Ulun ru Babilonia magasab ra raja'-raja' am makakurit ra tingganai-tingganai ru pamarintaan. Kolondo' kubu mokopongompong risilo. Pinumpunan nilo ra tana' timbok ru kubu, am nampagaau raginio.

YEHEZKIEL 4:2

Koson boo ra tatandu' ru pagawangan ra bandar no, pambaal ra parit, tana' pinabujuk, pangkiman am tataun-tataun pomopok giu' ra liput ru batu bata no.

YEHEZKIEL 21:27

Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”