JIRIMIA 32:23 - Tanou Moonsoi Timugon

²³ Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 32:23 ပူးပေါင်းရင်းမြစ်များ

IJRA 9:7

Intor ra bulintok ru kinamatuaan maili saboi raino, akai ulun Muno makatula noyo Rirun. Kinibit ru tula mai no, raja'-raja' am imam-imam mai rinakop ru raja'-raja' bansa' ra bokon. Akai pinatoi, tinakawan am inibit sinauk ra ulun rinakop ra pagun ra bokon. Inasaban akai toojo, saboi orou raiti'.

SULABOI 1:18

“Kaa' Tuhan matimpok sabap ra inanggal ku susuban Nano. Rongog kano raki', akau ngaangai' bansa', ilai' aku no ondo' marualan. Kamulakan kuno ungkuyon am ruandu' rinakop am inibit minugar.

JAKUBUS 2:10

Ulun ondo' manggal ra rondo' pana panusuban intor ra Ukum ri Aki Kapuuno', manggal io niayuk ra ngaangai' panusuban.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

JUANIS 15:14

Amon ru gumagaya' kau ra panusuban Kuno, akau no rangan Kuno.

LUKAS 17:10

Koson niayuk ramuyun; amon ru nabaal min noyo ngaangai' nanusuban, raguo' min, ‘Akai ti ulipon ayuk, nambaal akai ayuk ra kandoi maili.’ ”

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:18

Kaa' pinakara' Ku ilo ondo' mangamulok: Pai' gagaya' ra ukum ru kinamatuaan min; pai' pagibaya' ra kaulayan nilo galama', am pai' jamali' inan ra sumamba ra sinungkalalaing nilo.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

NIGIMIA 9:15

“Paat ra ilo maitilan, ruti' intor ra limbowon pinaratu' Muno, paat ra ilo paason, timug intor ra batu pinaingkual Mu. Nanusub Kou risilo manguasa' ra tana' ondo' binantu' Mu noyo risilo.

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

JIRIMIA 2:7

Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 44:10

Kaa' saboi orou raiti' lakat kau poyo kalo minggana' guang. Kalo mangurumat kau Raki' kapoam maayag sumugut ra ngaangai' ru ukum ondo' tinaakan Kuli ramuyun am kinamatuaan min.

JOSUA 21:43

Ginio noyo nanaak Tuhan ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.