JIRIMIA 32:22 - Tanou Moonsoi Timugon

²² Nangani' Kou ra pagun ondo' moonsoi am malabung ti risilo, koson ra ondo' binantu' Mu noyo ra kinamatuaan nilo.

JIRIMIA 32:22 ပူးပေါင်းရင်းမြစ်များ

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

NIGIMIA 9:15

“Paat ra ilo maitilan, ruti' intor ra limbowon pinaratu' Muno, paat ra ilo paason, timug intor ra batu pinaingkual Mu. Nanusub Kou risilo manguasa' ra tana' ondo' binantu' Mu noyo risilo.

KAINGKUALAN 13:5

Nampator Tuhan ra kinamatuaan mini koson mangani' ramuyun ra tana' ru ulun ru Kanaan, Git, Amori, Giwi am Jibusi. Tana' ti moonsoi am malabung. Maibit kau ru Tuhan ra tana' raginio, musiti' kau mangiantak ra pangiantakan ti moonong bilor, paat ra bulan ra kasaa'.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

JIRIMIA 11:5

Amon ru baalon nilo ngaangai' no, suguton Ku bantu' Kuno ra kinamatuaan nilai ra pagun ondo' malabung am langkaya', ondo' raino inayanan nilo, pataakin Ku risilo.” Taam Aku, “Iou noyo Tuhan.”

YEHEZKIEL 20:15

Ginio ra giu' ra tana' kaagisan no binantu' Ku kalo mangiou risilo mongoi ra tana' ondo' tinaakan Ku noyo risilo, tana' ondo' langkaya' am malabung am moonsoi kaga'.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

UNTABAN 14:16

ra namatoi Kou ra ulun Muno giu' ra tana' kaagisan sabap ra kalo maalap Mu kaibit ilo ra tana' ondo' binantu' Mu noyo risilo.

UNTABAN 14:30

Nambantu' Aku noyo ra mapaayan ramuyun ra tana' ti, kaa' kolondo' sangulun pana ramuyun mayan ra giu' no ondo' ak am i Kalib am i Josua.

SAGULION 1:35

‘Kolondo' sangulun pana ramuyun intor ra sukor ra mangalaat ti mokoongoi ra tana' ondo' malabung no, ondo' binantu' Ku noyo koson pataakon ra kinamatuaan min.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 6:10

“Nambantu' noyo Tuhan i Aki Kapuuno' min ra kinamatuaan min i Abragam, i Isak am i Jakub ra manaak Io ramuyun ra tana' ondo' mokoondo' ra bandar mangaayo am langkaya', ondo' kalo baalon min.

SAGULION 6:18

Baalo' noyo atan ondo' moonsoi am matanda' ra pagilangan ru Tuhan, am makakaansayan kau. Akau tatangan ra tana' ondo' malabung, ondo' binantu' noyo ru Tuhan ra kinamatuaan mini,

SAGULION 6:23

Napalabus Tuhan ritakau intor ra Misir koson nagibit ritakau mongoi ragiti, am nanaak ritakau ra tana' ragitio koson ondo' binantu' Nano ra kinamatuaan takali.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.

SAGULION 8:1

“Gagayaa' noyo ra totopot ngaangai' ukum ondo' pataakon kuno ramuyun ra orou raiti', maa' raginio marayus kau maayag am rumuang suang mino, am makaayan ra tana' ondo' binantu' ru Tuhan ra kinamatuaan min.

JOSUA 1:6

Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 21:43

Ginio noyo nanaak Tuhan ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.