JIRIMIA 32:17 - Tanou Moonsoi Timugon

¹⁷ “Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

JIRIMIA 32:17 ပူးပေါင်းရင်းမြစ်များ

KASAUKAN 18:14

Ginio ra babaai kia kalo mapasauk Tuhan no ra atan-atan? Koson ra ragu Ku ra raitii' ni ra siam ngansila' intor raino rumuli' Aku ragiti. Paat raginio i Sara makaanak sangulun ungkuyon.”

2 RAJA'-RAJA' 19:15

am pakiasi', “Iou Tuhan, i Aki Kapuuno' ru Israil, Okou ondo' nanturung giu' ra rasawat ru kirub; Okou rorondo' ayuk i Aki Kapuuno' mamarinta ra ngaangai' pamarintaan ra tana' ti. Okou nambaal ra limbowon am tana' ti.

2 RAJA'-RAJA' 3:18

Rayuso' poyo ri Ilisa, “Baal ragitio maluoi ra Tuhan. Io niayuk mangani' rirun ra kamanangan ra ulun ru Moab.

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

AYUP 42:2

“Nakapandai aku, iou Tuhan, ra makapambaal Kou ra ngaangai' no; makapambaal Kou ra atan ayuk.

MAZMUR 102:25

Iou Aki Kapuuno', pai' alapo' painawo kuno, ra aku kalo poyo matutuo. Okou maayag ra mantilayun;

MAZMUR 136:12

Ngaangai' no binaal ru kalindu' Nano ondo' maikang kaga'; togom Nano mantilayun.

KAINGKUALAN 20:11

Buoi onom ngoorou Aku, Tuhan nambaal ra tana' ti, limbowon, raat am ngaangai' ondo' soroi ralalom no, kaa' paat ra orou ra katulu' timinangus Aku. Ginio ra Aku Tuhan mambarakat ra orou Sabat am patimpokon ginio Raki'.

JISAYA 42:5

Tuhan i Aki Kapuuno' namangun am napabingkal ra limbowon; binangun No tana' am niayuk nansalinut naayag ra rasawat nano; Manaak io ra painawo ra ulun. Ragino i Aki Kapuuno' mindagu ra ulipon Nano,

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

JISAYA 45:12

Aku noyo Tuhan napasauk ra tana' ti, am namangun ra ulun koson mangayan no. Ralalom kuasa' Kuno bingkalon Ku limbowon, am manguasa' ra mato ru orou, bulan am butitin-butitin.

JISAYA 59:1

Pai' karaa' ra Tuhan no malawo kaga' koson mamayag ramuyun, kapoam barat kaga' koson mangkirongog ra pampiawan mino.

JIRIMIA 1:6

Taam aku, “Iou Tuhan Raja', kalo matanda' ra aku mindagu sabap ra aku ti lakat poyo mamulok.”

JIRIMIA 14:13

Aku pana mindagu, “Iou Tuhan Raja', nakapandai Kou ra nabi-nabi nambala' ra mamagun ra kolondo' pangayawan kapoam bitilan, sabap ra nambantu' Kou ra giti ra pagun ti masalok makakaansayan.”

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

JIRIMIA 32:27

“Aku noyo Tuhan, i Aki Kapuuno' ru ngaangai' ulun. Kolondo' ondo' mapagon kaga' Raki'.

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

JIRIMIA 4:10

Kopongo raginio indagu aku, “Iou Tuhan Raja', totopot Kou namparuung ra mamagun ru Jirusalim! Minindagu Kou ra mokoondo' kaansayan, kaa' raino painawo nilono mololob.”

JIRIMIA 51:15

Namingkal Tuhan ra tana' ti ra kuasa' Nano; Namingkal Io ra tana' ti ra kapintaran Nano, am nampaatang ra limbowon ra pangaratian Nano.

JIRIMIA 51:19

I Aki Kapuuno' ri Jakub sala' ka koson ra dewa-dewa no; Io no nambaal ra ngaangai' no, am Io nampili' ra Israil nasauk ra ulun Nano galama'. Inggalan Nano iono Tuhan Ondo' Maayo Kaga' Kuasa'.

YEHEZKIEL 11:13

Tatanga' aku mindagu ra ragu manala', pulali' ri Pilatia naratu' am patoi. Igulatur aku liliwa' nampiau, “Pai', Tuhan Raja'! Masaga' kou kia mampaluus ra ulun ondo' lakat poyo soroi giu' ra Israil?”

YEHEZKIEL 9:8

Tatanga' pamatayan no masauk, soroi aku ra giu' misangulun. Igulatur aku liliwa' nampiau, “Iou Tuhan Raja', siminangit kou kia kaga' ra Jirusalim saboi masaga' Kou mamatoi ra moonong ulun ondo' lakat poyo naayag giu' ra Israil?”

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

JAKARIA 12:1

Gitio noyo tanou intor ra Tuhan intor ra Israil. Tuhan ondo' namingkal ra limbowon, nambaal ra tana' ti, am nangani' ra kaayagan ra ulun mindagu,

JAKARIA 8:6

Baal raginio kalo makaimuag ra ulun ondo' lakat poyo naayag intor ra bansa' ragitio, kaa' kalo makaimuag Raki'.

UNTABAN 11:23

Indagu Tuhan, “Makabalitan kia kuasa' Kuno? Makakito kou ra mataki' ru masauk kia kapoam kalo ragu Kuno!”

MATIUS 19:26

Ponontong i Jisus risilo am indagu, “Kaayagan mantilayun ti kalo maalap ru ulun, i Aki Kapuuno' ayuk makapangani' ra kolondo' atan kon kalo mabaal Nano.”

MARKUS 10:27

Ponontong i Jisus risilo am indagu, “Ginio kalo mabaal ru ulun, kaa' kolondo' kalo mabaal ri Aki Kapuuno'. Ngaangai' mabaal ri Aki Kapuuno'.”

LUKAS 1:37

Kaa' kolondo' kalo mabaal ri Aki Kapuuno'.”

LUKAS 18:27

Taam i Jisus, “Atan kalo mabaal ru ulun, mabaal ri Aki Kapuuno'!”

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

RINALATAN 17:24

I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”