JIRIMIA 31:9 - Tanou Moonsoi Timugon

⁹ Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 31:9 ပူးပေါင်းရင်းမြစ်များ

1 TUNUNG RU BANSA' ISRAIL 29:10

Giu' ra saang ru ngaangai' ulun ondo' natimung ra giu' no, nongompor Raja' Daut ra Tuhan. Nakiasi' io, “Iou Tuhan i Aki Kapuuno' ri Jakub, kinamatuaan mai, koompor Kono ra sabubuoi no!

MAZMUR 107:7

Aakon No ilo maya' ra ralan mabanis, mongoi ra bandar ondo' maayanan nilo.

MAZMUR 23:2

Pinaluya' No aku ra tana' limayak ondo' makasakot malabung am mangitang raki' ra sungoi maliuk.

MAZMUR 89:27

Mindagu io Raki', ‘Okou noyo Ama' kuno am i Aki Kapuuno' kuno; Okou noyo manindung am mamamayag raki'.’

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 43:20

Tambiag ra masigo pana mangurumat Raki', taani am susuit unta mongompor Raki' bulintok ra Aku mampatilis ra timug ru sungoi-sungoi boborok no giu' ra tana' kaagisan, koson mapainum ra ulun pinili' Kuno.

JISAYA 45:11

Tuhan, i Aki Kapuuno' ru Israil, i Aki Kapuuno' ondo' matulai mindagu, “Pangkuot kano Raki' intor ra orou matong. Kaa' pai' pangkuot intor ra anak-anak Kuno, kapoam manusub Raki' mambaal ra kandoi.

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 3:4

Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

GOSIA 12:4

Kinamatuaan nilo, i Jakub, namparuung ri Isau, pongkotob ra pongkobon nano paat ra ilo ruo lakat poyo ra ralalom ru binunakan ru ina', am paat nasukor i Jakub giminula' ri Aki Kapuuno'.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

UNTABAN 2:18

Tampilon ra kalasaan, ulun ragana' ru pulalai ri Ipraim musiti' mangkim maya' ra pulalai nilo, am tingganai ru sigagama': Bansa' Tingganai Suang ru Ulun Ipraim Ilisama anak ri Amigud 40,500 Manasi Gamaliil anak ri Pidajur 32,200 Binjamin Abidan anak Gidioni 35,400 Suang: 108,100 Pulalai ri Ipraim iono pulalai katalu ondo' musiti' mugar.

MATIUS 3:3

I Juanis Mampariu' niayuk ondo' kon ru nabi Jisaya, kono, “Makaulun mampipiau giu' ra agis limayak; ‘Pongoono' min ralan ru Tuhan, baniso' noyo ralan Nano.’ ”

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

LUKAS 6:21

“Pakaansuk kano ondo' nangaitilan raino, sabap ra basugon kau! Pakaansuk kano ondo' mantangi' raino, sabap ra pakuriton kau!

ROMA 8:26

Suai poyo raginio Ambiluo ri Aki Kapuuno' mangindangan ritakau ondo' malawo pangintapatan. Kalo makapandai takau ati koson makiasi' ri Aki Kapuuno'; kaa' Ambiluo Nano galama' makitaak ri Aki Kapuuno' ra bala takau mabaya' ra ragu ondo' kalo masabit ru ulun.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

IBRANI 12:13

Parayus kano baya' ra ralan mabanis am pangindangan ra bokon, koson ra ulun pakira' no kalo masilik, kaa' mapali' boo.

IBRANI 12:23

Nakasaang kau noyo ra bunsag maayo mabaya' ra anak-anak katuaan ri Aki Kapuuno', ondo' inggalan nilono tinulisan noyo giu' ra suruga'. Mininggaar kau ri Aki Kapuuno' ondo' mangakim ra ngaangai' ulun, am poyo ra ambiluo-ambiluo ru ulun motopot ondo' tinanda' ri Aki Kapuuno'.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”